لیندسی گراهام بۆ رەوەندی کوردی: لۆبی بۆ پرۆژە یاسای پاراستنی کورد بکەن

کوردسات نیوز

دیداری لیندسی گراهام لەگەڵ رەوەندی کوردی

 لیندسی گراهام سێناتۆری ئەمریکا، داوا لە رەوەندی کوردی دەکات لۆبی بۆ پڕۆژەیاسای پاراستنی کورد بکەن و  ئەندامانی دیکەی کۆنگرێس و سێناتۆرەکان ئاشنا بکەین بەم پڕۆژەیە بۆ ئەوەی دەنگی پێویست بهێنێت.

لیندسی گراهام سیناتۆری دیاری ئەمریکا، دیدارێکی تایبەتی لەگەڵ رەوەندی کورد لە ئەمریکا رێکخست و تیایدا باسی لە پڕۆژەیاسای نوێی پاراستنی کورد و داهاتووی پەیوەندییەکانی نێوان ئەمریکا و نەتەوەی کورد کرد.

گراهام لەو دیدارەدا بەڕێزەوە باسی لە رۆڵی قارەمانانەی هێزە کوردییەکان کرد لە تێکشکاندنی داعـ.ـش.

ئاماژەی بەوەشکرد: کورد یەکەم هێز بوو دڵسۆزانە هاتە مەیدان و بە قوربانییەکانیان بوونە هۆی ئەوەی کەمترین سەربازی ئەمریکی گیان لەدەستبدەن.

سیناتۆرە ئەمریکییەکە، لە بارەی پرۆژەی یاسەکەی  دووپاتی کردەوە: پڕۆژەیاسا نوێیەکەی لە کۆنگرێس، دەبێتە گەرەنتییەکی یاسایی بۆ پاراستنی کورد و رێگریکردن لە هەر دەستدرێژییەکی دەرەکی و وەستانەوە لە دژی هەڕەشەکان.

لە کۆتایشدا، لیندسی گراهام سیناتۆری دیاری ئەمریکا، رایگەیاند:ئەرکی کوردانی نیشتەجێی ئەمریکایە کە لۆبی بۆ ئەم یاسایە بکەن و ئەندامانی دیکەی کۆنگرێس و سێناتۆرەکان ئاشنا بکەین بەم پڕۆژەیە بۆ ئەوەی دەنگی پێویست بهێنێت.

PUKMEDIA