کێشەی وەرگرتنی گەنمی جووتیاران لە کەلار چارەسەرکرا

PUKMEDIA

سروە محەمەد و بەڕێوەبەری سایلۆی گەرمیان

بە هەوڵی ئەندامێکی فراکسیۆنی یەکێتی لەئەنجومەنی نوێنەرانی عیراق و لە پێناو خزمەتکردنی زیاتری جووتیارانی دەڤەرەکە و ئاسانکاری لە پرۆسەی رادەستکردنی بەرهەمەکانیاندا، کێشەی ئەو پەنکەرانەی کە لە دەرەوەی سایلۆی کەلار بوون، بەڕەسمی چارەسەر کرا.

ئەمڕۆ 6ی7ی2026، دوای گفتوگۆیەکی چڕی سروە محەمەد بریاردەری فراکسیۆنی یەکێتی لەئەنجومەنی نوێنەرانی عیراق، لەگەڵ بەڕێوەبەری سایلۆی گەرمیان توانرا رەزامەندیی حکومەتی عیراق بۆ چارەسەرکردنی کێشەکە وەربگیرێت.

هاوکات، چارەسەرکردنی ئەم کێشەیە بارگرانییەکی گەورە لەسەر شانی جووتیارانی ناوچەکە لادەبات، چونکە پێشتر ناچاربوون بە تێچوویەکی زۆر و لەسەر ئەرکی خۆیان بەرهەمەکانیان بگوازنەوە بۆ سایلۆی سلێمانی و سایلۆکانی دیکە.

PUKMEDIA