سەرۆک بافڵ: لە پەیوەندیی بەردەوامداین بۆ ئەوەى دۆخەکە نەچێتە قۆناغێکی سەختتر

نوسینگەى راگەیاندنى سەرۆک بافڵ جەلال تاڵەبانى

سەرۆک بافڵ جەلال تاڵەبانى و مامۆستا سه‌ڵاحه‌دین محەمەد به‌هائه‌دین

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە مامۆستا سه‌ڵاحه‌دین محەمەد به‌هائه‌دین، ئەمیندارى گشتیی یه‌كگرتووى ئیسلامى كوردستان کرد.

لە دیدارێکدا کە سالار سەرحەد، لێپرسراوی پەیوەندییە کوردستانییەکان ئامادەیبوو، دوایین پێشهات و دۆخی جەنگ لە ناوچەکە تاوتوێکرا.

بافڵ جەلال تاڵەبانی جەختی لە بەردەوامی هەوڵی ئاشتیخوازانەی یەکێتی کردەوە و وتی، لە پەیوەندیی بەردەوامداین لەگەڵ حزب و لایەنەکانی عیراق و هەرێمی کوردستان تاوەکو دۆخەکە نەچێتە قۆناغێکی سەختتر و هەرێمی کوردستان و عیراق نەبنە بەشێک لە ململانێکان.

لە کۆبوونەوەکەدا جەخت لە هەماهەنگی و بەهێزترکردنی پەیوەندییەکانی یەکێتی و یەکگرتووی ئیسلامی کوردستان لە چوارچێوەی زیاتر خزمەتکردنی خەڵک و پاراستنی بەرژەوەندییە باڵاکان کرایەوە.

PUKMEDIA