دوو منداڵ لە ڕانیە بەهۆی دووکەڵەوە خنکان

میدیاکان

شاری رانیە

دوو منداڵی دووانە، لە شاری رانیە  گیانیان لەدەستدا و پۆلیسی راپەڕینیش رایدەگەیەنێت، لە ژوورەکەیاندا هیتەر کاری کردووە و بەهۆی بوونی دووکەڵەوە منداڵەکان خنکاون.

بەپێی راگەیەندراوێکی بەڕێوەبەرایەتی پۆلیسی ڕاپەڕین ، سەعات 6ی سەرلەبەیانی ئەمڕۆ  7ی2ی2026، تەرمی دوو منداڵ بەناوەکانی (مەیلی مەریوان محەمەد) لە ڕەگەزی مێ  و (میر مەریوان محەمەد ) لە ڕەگەزی نێر، ڪە هەردووکیان دووانەن تەمەنیان شەش ساڵە و  دانیشتووی ڕانیە گەڕەکی تیتۆکەن گەیەندرانە نەخۆشخانە.

راشیگەیاندووە: شەوی ڕابردوو لە ژووری منداڵەکان هیتەری کارەبا کاری کردووە، فەڕشی ژێر هیتەرەکە گەرم بووە، ئەمەش بووەتە هۆی دەرکردنی بۆن و دووڪەڵ لە ژوورەکەدا و بەهۆیەوە هەردوو منداڵەکە خنکاون.

 لە کۆتایشدا، پۆلیسی راپەڕین ئاماژەی بەوەکردووە:تەرمی هەردوو منداڵەکە، دوای ئەنجامدانی پشکنینی توێڪاری لە پزیشڪی دادوەری ڕانیە ڕادەستی کەس وکاری ڪرایەوە و  پەڕاوی لێڪۆڵینەوەش بۆ ڕووداوەکە کراوەتەوە.

PUKMEDIA