لێپێچینەوە له‌و مامۆستایه‌ ده‌كرێت كه‌ خوێندكاره‌ كورده‌كه‌ی سزادا

ئەکاونتی ئەحمەد کەرکوک

نەخشاندنی ئاڵای کوردستان

خوێندکارێکی کورد لە کەرکوک لەسەر کێشانی ئاڵای کوردستان فەسڵکراوە و ئەندامێکی ئەنجومەنی پارێزگای کەرکوکیش لە فراکسیۆنی یەکێتی رایدەگەیەنێت، ئەو مامۆستایەی ئەم کارەی کردووە بۆ لێپێچینەوە بانگێشتی پەروەردە دەکرێت.

د.ئەحمەد کەرکوکی، ئەندامی ئەنجومەنی پارێزگای کەرکوک لە فراکسیۆنی یەکێتی ڕایگەیاند، لەسەر فەسڵکردنی خوێندکارێک کە ئاڵای کوردستانی کێشاوە، پەیوەندیم بە جێگری بەڕێوەبەری گشتی پەروەردەی کەرکوکەوە کردوە بۆ ڕاگرتنی ئەو بڕیارە نادادپەروەرانەیە.

ئەندامەکەی ئەنجومەنی پارێزگای کەرکوک ئاشكراشی دەکات، بڕیار درا وە سبەینێ29ی1ی2026، ئەو مامۆستایەی ئەم کارەی کردووە، بانگێشتی پەروەردە بکرێت بۆ لێپێچینەوە، وەک ئەندامی ئەنجومەنی پارێزگا، بەڵێن دەدەم کە ئەم کەیسە بە کراوەیی بهێڵینەوە تا مافی خوێندکارەکە بەتەواوی دەستەبەر دەکرێت.

PUKMEDIA