رۆژئاڤای كوردستان بەبێدەنگی كۆمەڵكوژ دەكرێت

AFP

رۆژئاڤای كوردستان

لەگەڵ دەستپێكرنی هێرشە ناڕەواكانی  چەكدارانی حكومەتی كاتی سووریا بۆ سەر رۆژئاڤای كوردستان، تائێستا نزیكەی 50 خێزانی ئاوارە  لەنێوان رێگای رەققە و حەسەكە كۆمەڵكوژكراون، جگە لەوەی ژمارەیەكی زۆر ئاوارەی ژن و منداڵ شەهیدكراون و نزیكەی 150 تا 200 هەزار كەسیش ئاوارەبوون.
 
بەپێی راگەیەندراوی سەرچاوە میدیاییەكان، لەسەرەتای رووداوەكانی شێخ مەقسود و ئەشرەفیەوە، تا ئێستا نزیكەی 150 تا 200 هەزار كەس ئاوارەبوون، جگە لەئاوارەكانی كۆبانی، هاوكات نزیكەی  دوو هەزارو 700 كەس بێ سەروشوێنن و چەندین ژن و منداڵ شەهیدكراون و نزیكەی 50 خێزانی ئاوارە لەگوندی سەباح خێر لەنێوان رێگای رەققە و حەسەكە كۆمەڵكوژكراون.

هاوكات ئەنجومەنی ئاوارەكانی هەرێمی جەزیرە رایگەیاندووە: دۆخی ئاوارەكان خراپە و پێویستییان بە پێداویستییە سەرەكییەكان هەیە، لەوانە پێداویستییەكانی منداڵانی ساوا، پێداویستیی تەندروستی، ئامێرە گەرمكەرەوەكان، سوتەمەنی و خۆراك.

ئەمەش لەكاتێكدایە، ماوەی مانگێكە شەڕو ئاڵۆزی لەڕۆژئاڤای كوردستان روویداوەو هێرشێكی ناڕەوا دەكرێتە سەر كورد لەو ناوچەیە، كە بەهۆیەوە سەدان كەس بوونەتە قوربانی و هەزاران كەسیش ئاوارەبوون، هاوكات كۆمەڵگەی نێودەوڵەتی بێدەنگن و هیچ هەنگاوێكی كردەیی و جددیان بۆ پاراستنی كورد نەناوە، بەڵام هەر سێ پارچەكەی دیكەی كوردستان پاڵپشتی رۆژئاڤای كوردستان دەكەن و بەشێوەیە كی بەرفراوان  ناڕەزایی دژی پەلاماردانی كورد دەردەبڕن و داوای هەڵوێستی جددی لە وڵاتان دەكەن. 

PUKMEDIA