کەشناسی: ئەمڕۆ و سبەینێ باران دەبارێت

PUKMEDIA

باران بارین

بەڕێوەبەرایەتی گشتی  کەشناسی و بومەلەرزەزانی هەرێمی کوردستان کەشی پێشبینکراوی 48 سەعاتی داهاتووی بڵاوکردەوە و بەپێی پێشبینییەکە ئەمڕۆ و سبەینێ شەپۆلی باران بارین زۆرینەی ناوچەکان دەگرێتەوە و لە ناوچە سنووریەکان و ناوچە شاخاوییە بەرزەکان بەفر دەبارێت.

 کەشناسی هەرێم رایگەیاندووە، ئەمڕۆ هەینی 9ی1ی2026، ئاسمان هەوری تەواو دەبێت , باران بارین لە باکوور و باکوری ڕۆژئاوای هەرێم دەست پێدەکات پاشان لە کاتەکانی دوایی نیوەڕۆ کاریگەری شەپۆلی باران بارین لە زۆربەی ناوچەکان دەبارێت کە هەندێک کات لە هەندێک ناوچە بەشێوەی لێزمە باران دەبێت . هەروەها لە ناوچە سنووریەکان و ناوچە شاخاوییە بەرزەکان بەفر بارین دەبێت .

ئاماژەی بەوەشکردووە: پلەی گەرما کەمێک نزمتر دەبێت بەراورد بە پلەکانی دوێنێ.

 پەیوەست بە کەشی سبەینێ شەممە 10ی1ی2026، ئاسمان بە گشتی هەور و سارد دەبێت , نمە باران و بارانی مامناوەند بە پچڕپچڕی لە زۆربەی ناوچەکان دەبارێت , پێشبینی دەکرێت ڕێژەی دابارین لە ڕۆژهەلات و باکوری ڕۆژهەڵاتی هەرێم  زیاتر بێت بەراورد بە ناوچەکانی دیکە، هەروەها لە ناوچە سنوریەکان بەفر بارین دەبێت .

ئاماژەی بەوەشکردووە: پلەی گەرما بە نزیکی 2 تـــا 5 پلە نزمتر دەبێت بەراورد بە پلەکانی  ئەمڕۆ .

بەرزترین پلەکانی گەرمای پێشبینیکراو بە پلەی سیلیزی
هەولێر :13 پلەی سیلیزی
پیرمام: 9 پلەی سیلیزی
سۆران: 5  پلەی سیلیزی
حاجی ئۆمەران: 2 پلەی سیلیزی
سلێمانی: 10 پلەی سیلیزی
چەمچەماڵ: 13 پلەی سیلیزی
دهۆک: 11 پلەی سیلیزی
زاخۆ: 10 پلەی سیلیزی
کەرکوک 14 پلەی سیلیزی
هەڵەبجە : 10 پلەی سیلیزی
گەرمیان  : 16 پلەی سیلیزی

PUKMEDIA