کارگەیەکی چپس لە هەولێر ئاگری گرت

کەناڵ8

کەوتنەوەی ئاگر لە کارگەیەکی چپسی هەولێر

ئەمڕۆ 6ی1ی2026، کارگەیەکی دروستکردنی چپس لە کۆمەڵگەی پیرزینی سەر بە پارێزگای هەولێر ئاگری گرت و تیمەکان سەرقاڵی کۆنترۆڵکردنین و هێشتا هۆکاری کەوتنەوەی و زیانەکانی ئاشکرا نەکراوە.

ئاگرەکە لە کارگەیەکی بەرهەمهێنانی چپس لەناو کۆمەڵگەی پیرزین کەوتووەتەوە و تیمەکانی بەرگریی شارستانیی هەولێر گەیشتوونەتە کارگەکە هەوڵی کۆنترۆڵکردنی ئاگرەکە دەدەن.

 بەپێی ئەو گرتە ڤیدیۆییانەی بڵاوکراونەتەوە، ئاگرەکە بە تەواوی بینای کارگەکەی گرتووەتەوە و دووکەڵ بە ئاسمانی ناوچەکەدا بەرزبووەتەوە، بە جۆرێک لە بەشێک لە گەڕەکەکانی دیکەی شاری هەولێرەوە بە ڕوونی دەبینرێت.

پەیوەست بە هۆکاری کەوتنەوەی ئاگرەکە و زیانەکانیش،تاوەکو ئێستا هیچ زانیارییەکی رەسمی لەبارەی هۆکاری سەرەکیی کەوتنەوەی ئاگرەکە ئاشکرا نەکراوە، هاوکات هیچ ئامارێک سەبارەت بە بوونی زیانی گیانی یان قەبارەی زیانە ماددییەکان ڕانەگەیەندراوە.

PUKMEDIA