riklam

قوباد تاڵەبانی: حکومەتی داهاتووی هەرێم و عیراق کێشەکان چارەسەر بکەن

کوردستان 03:57 PM - 2025-11-25
قوباد تاڵەبانی و کونسوڵی گشتیی تورکیا راگەیاندنی قوباد تاڵەبانی

قوباد تاڵەبانی و کونسوڵی گشتیی تورکیا

قوباد تاڵەبانی

قوباد تاڵەبانی، جێگری سەرۆکوەزیران لەگەڵ ئەرمان تۆپجو، کونسوڵی گشتیی تورکیا کۆبووەوە و پێکەوە لەبارەی پەیوەندییەکانی هەرێم و تورکیا و دۆخی سیاسیی هەرێمی کوردستان و عیراق بیروڕایان گۆڕییەوە.

لە تەوەرێکی کۆبوونەوەکەدا کە رۆژی سێ شەممە (25/11/2025) بەڕێوەچوو، باس لە پەیوەندییەکانی نێوان هەرێم و تورکیا کرا. هەردوولا هاوڕابوون لەسەر پێویستیی کاری هاوبەش بۆ بەهێزترکردنی پەیوەندییەکان لە بوارە جیاوازەکاندا و بە تایبەتیش لە بواری بازرگانیدا. 

لە بەشێکی دیکەی کۆبوونەوەکەدا ئاڵوگۆڕی بیروڕاکرا لەبارەی پرۆسەی سیاسی عیراق لە دوای هەڵبژاردنەکانی ئەنجومەنی نوێنەران.

لەمبارەیەوە جێگری سەرۆکوەزیران ئاماژەی بەوەدا: پێکهێنانی حکومەتێکی بەهێز کە مافەکانی هەموو پێکهاتەکانی تێدا پارێزراوبێت یارمەتیدەرە بۆ باشترکردنی دۆخی ئاسایش و سەقامگیری عیراق، جەختیشی کردەوە لەسەر ئەوەی کە دەبێت ئەولەوییەتی هەردوو حکومەتی داهاتووی عیراق و هەرێمی کوردستان چارەسەرکردنی بنەڕەتی کێشەکانی نێوانیان بێت.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket