دوای چه‌ندین ساڵ كێشه‌یه‌كی وێستگه‌ی كارۆئاوی دوكان چاره‌سه‌ر كرا

بەڕێوەبەرایەتی کارەبای سلێمانی

چارەسەرکردنی كێشه‌ی ڤاڵڤێكی سه‌ره‌كی ئاوی ساردكردنه‌وه‌ی یه‌كه‌ی ژماره‌ (چوار)

به‌رێوه‌به‌ری وێستگه‌ی كارۆئاوی دوكان رایگه‌یاند: تیمی چاكسازیی تۆرباین كێشه‌ی جامبوونی ڤاڵڤی په‌مپی ئاوی ساردکرنه‌وه‌ی یه‌كه‌ی ژماره‌ چواریان به‌هاوكاری تیمی غه‌واسی فه‌رمانگه‌ی به‌رگری شارستانی دوكان چاره‌سه‌ركرد، کە ماوه‌ی چه‌ندساڵێك بوو له‌كاركه‌وتبوو.

ئه‌ندازیار ئه‌بوبه‌كر حه‌مه‌د به‌ڕ‌ێوەبه‌ری وێستگه‌ی كارۆئاوی دوكان رایگه‌یاند: دوێنێ دووشه‌ممه‌ دوای هه‌وڵ و ماندووبونێكی زۆر توانرا له‌لایه‌ن هۆبه‌ی چاكسازیی به‌هاوكاری تیمی غه‌واسی به‌رگری شارستانی دوكان، كێشه‌ی ڤاڵڤێكی سه‌ره‌كی ئاوی ساردكردنه‌وه‌ی یه‌كه‌ی ژماره‌ (چوار) كه‌ جام بوو بوو، چاره‌سه‌ر بكه‌ن كه‌ كاریگه‌ری نه‌رێنی هه‌بوو له‌سه‌ر ئیشكردنی سیستمی ساردكردنه‌وه‌ی یه‌كه‌ی ناوبراو و چه‌ند ساڵێك بوو له‌كاركه‌وتبوو.

روونیشیكرده‌وه‌، دوای چه‌ندینجار هه‌وڵدان بۆ كاری چاكسازی نه‌توانرا ڤاڵڤه‌كه‌ بكرێته‌وه‌ له‌به‌رئه‌وی ڤاڵڤه‌كه‌ راسته‌وخۆ ئاو له‌ زێیه‌كه‌ و لای down stream ی وێستگه‌ وه‌رده‌گرێت و ناتوانرێت عه‌زل بكرێت، بۆیه‌ دوێنێ به‌هاوكاری تیمی غه‌واسی به‌رگری شارستانی دوكان توانرا ده‌می بۆرییه‌كه‌ له‌ناو زێیه‌كه‌وه‌ عه‌زل بكرێت كه‌ نزیكه‌ی شه‌ش مه‌تر له‌ژێر ئاو بووه‌".

ئاماژه‌ی بۆ ئه‌وه‌شكرد: دواتر كارمه‌ندانی هۆبه‌ی په‌یوه‌ندیدار ( به‌تایبه‌ت هۆبه‌ی تۆرباین) هه‌ڵده‌ستن به‌سییانه‌ و چاككردنی ڤاڵڤه‌كه‌ و پاشان به‌هاوكاری تیمی ناوبراو له‌ناو زێیه‌كه‌وه‌ ده‌می بۆرییه‌كه‌ ده‌كرێته‌وه‌و سیستمه‌كه‌ ئاسایی ده‌كرێته‌وه‌ بۆ ئیشپێكردن.

PUKMEDIA