فەرماندەیی هێزەکانی 70 رۆژی شەهیدی یەکێتی بەرز رادەگرێت

PUKMEDIA

رۆژی شەهیدی یەکێتی

فەرماندەیی هێزەکانی 70 لە یادی رۆژی شەهیدی یەکێتیدا پەیامێکی ئاراستەی خانەوادەی سەربەرزی شەهیدانی یەکێتیی نیشتمانیی کوردستان و حیزبی ڕووبارێک لەخوێنی شەهیدان کرد و رایگەیاند: رۆژی شەهیدی یەکێتی رۆژی  مێژوویی پڕ شکۆو شانازی نەتەوەیەک  پڕ لەجوامێری و نەبەزی و نەبەردی کەڵەمێرخاسانی نیشتمان، کە بەهزری کوردانەوە لەپێناو تێکۆشانی رەوا گیان و مانی خۆیانیان کردە قۆچی قوربانی خاک و نەتەوەکەیان.

کە ئەمە دەقەکەیەتی...

کەسوکاری سەربەرزی شەهیدان حیزبی شکۆ و شانازی نەتەوەیی کورد لەڕۆژی شەهیدانی یەکێتیدا سەری رێزو نەوازش دائەنوێنین لەئاست گڵکۆی پیرۆزی  شەهیدانی رێگای سەربەرزی و ئازادی نەتەوەکەمان..، 

ئەم رۆژە مێژووییه پیرۆزە لەهزرو رۆحماندا بەو پەڕی شانازیی و شکۆوە یاد دەکەینەوە، چوون رێبازی روونی پڕ لەشکۆی کاروانی شەهیدانمان چرایەکی درەوشاوەی توولە رێگاکانی رۆژانی سەختی پڕ تەنتوومانە کە ئایندەی ئەمڕۆمانی بۆ روون کردووینەتەوە،

  رۆژی شەهیدی یەکێتی رۆژی رەمزی بەرخۆدان و جەوهەری بەرزی کەرامەتی تاکی کوردە کە ئێمەی رێباز هەڵگری ئەو رێبازە بەو پەڕی لەخۆبوردوانەوە درێژە پێدەرو رێگاگری ئەو رێگا پیرۆزەین.

فەرماندەی هێزەکانی 70 بەو پەڕی رێزو شکۆوە یادی پڕ مەزنترین و پڕ باوەڕترین  رێگای پڕشکۆی شەهیدان بەرز رادەگرێت و بەڵێن و وەفا لەڕۆژی شەهیدی یەکێتی  بە کەسوکاری سەربەرزی شەهیدانی یەکێتیی نیشتمانیی کوردستان و حیزبی شەهیدانی کوردستان دەدات کە هەڵگری ئەو رێبازە روونەی کاروانی شەهیدانی سەربەرزی نیشتمانن تا گەشتن بە کەناری ئارامی و ئاسووده بوونی گیانی شەهیده سەربڵندەکانی حیزبی شەهیدان..

لەم  رۆژەدا بەشکۆوە ئەو یادە پیرۆزە بەرز رادەگرێت و دروود بۆ ڕۆحی پیرۆزی شەهیدان دەنێرێت و سەری رێزو وەفا لە ئاست خانەوادە و کەسوکاری سەربەرزی شەهیدان دادەنەوێنێت ، شانازی دەکەین، کە بەو رێگایەدا دەڕۆین و کەتەواوکەری خەباتی ئەو جوامێرو مێرخاسانەی ووڵاتە کە هیچ بستەخاکێک نەک لەباشوری کوردستان بگرە لەپارچەکانی تری ووڵاتیش شوێنێک نەمابێ ، خوێنی پیرۆزی جوامێرێکی یەکێتیی نیشتمانیی کوردستان  تێدا نەڕژا بێت.

بۆیە رێبازی حزبی شەهیدان کە خاوەنی هەزاران شەهیدە، بە شانازییەوەو ئەرکە لە سەرمان پارێزگاری لێبکەین و درێژەپێدەری ئەو رێبازە پیرۆزە بین کە سەروەرانمان لەپێناویدا خوێنیان تێدا تێکەڵ بەخاک کرد.

جارێکی دیکە دروود بۆ رۆحی شەهیدانی یەكێتی و سەرجەم شەهیدانی رێگەی ئازادی و سەرفرازیی كوردستان و سەربەرزی بۆ كەسوكارە سەربەرزەكانیان.

 فەرماندەیی هێزەکانی 70
20 تشرینی دووەم2025

PUKMEDIA