کۆماندۆی کوردستان چەند حەشارگەیەکی داعش لەناودەبات

PUKMEDIA

ئۆپەراسیۆنەکەی کۆماندۆی کوردستان

كۆماندۆی كوردستان لە ئۆپەڕاسیۆنێكی فراواندا ژمارەیەك حەشارگەی د١عشی لەناوبرد و چەندین بەڵگەنامەی تایبەت و دەستنوسی تیر*ۆر*ستان هەڵگیرایەوە و مۆڵگەكانیان خاپووركران.

کۆماندۆی کوردستان لە راگەیەندراوێکدا کە کۆپییەکی دەست PUKMEDIA کەوتوە رایگەیاند: هاوشێوەی زنجیرە ئۆپەڕاسیۆنەكانی پێشتر و لەسەر فەرمانی فەرماندەی هێزەكانی كۆماندۆی كوردستان سەعات 4ی بەرەبەیانی ئەمڕۆ پێجشەممە 20ی تشرینی دووەمی 2025 "كوڕانی كۆماندۆ" بە پشت بەستن بە زانیاری هەواڵگری و بە هەماهەنگی لەگەڵ لیوای 87ی مغاویری سەر بە ئۆپەراسیۆنەکانی رۆژهەڵاتی سەڵاحەددینی سوپای عیراق، ئۆپەڕاسیۆنێكی بەرفراوانیان بۆ (چەمی رۆخانە) لە سنوری قەزای داقوقی باشووری پارێزگای كەركوك ئەنجامدا.

ئەوەش هاتووە: "كوڕانی كۆماندۆ" لە بەرەبەیانێكی زووەوە كێوماڵی پانتاییەكی بەرفراوانی (چەمی رۆخانە) و دەورووبەریان كرد و شوێنی (8) مۆڵگە و حەشارگەی تیرۆر*ستان دۆزرایەوە و سەرجەمیان لە ناوبران و دەست بەسەر ژمارەیەك بەڵگەنامەی گروپە تیر*ۆر*ستییەكان و ژمارەیەك كەل و پەلی پەیوەندیكردندا گیرا و شوێنی مانەوەی تیر*ۆر*ستانیش خاپووركرا، هاوکات ئامانجی ئۆپەراسیۆنەكەش وەك ئەوەی پێشتر پلانی بۆ دانرابوو وەك خۆی بەدەست هات.

لەکۆتاییدا فەرماندەی هێزەكانی كۆماندۆی كوردستان "كوڕانی كۆماندۆ"ی راسپارد بەردەوام بن، لەسەر ئەم جۆرە ئۆپەڕاسیۆنانە بە مەبەستی كۆتایی هێنان بە ئاسەواری تیر*ۆرستا*ن و شانە نوستووەكانیان لەو ناوچانە.


PUKMEDIA