مەكتەبی سیاسی لەبەغداد: لایەنەكان رۆڵی یەكێتی لەپڕۆسەی سیاسی بە گەورەو كاریگەر دەزانن

PUKMEDIA

یەکێتیی نیشتمانیی کوردستان

مەكتەبی سیاسی یەكێتی لە بەغداد، رایدەگەیەنێت: بەردەوامین لە كۆبوونەوە لەگەڵ لایەنە سیاسییەكان  بۆ جێبەجێكردن و بەدەستهێنانی  مافە  دەستوورییەكان و لایەنەكانیش ئەم سەردانانە بەرز دەنرخێنن و رۆڵ و گرنگی یەكێتی لە پڕۆسەی سیاسی عیراقدا بە گەورەو كاریگەر وەسف دەكەن .

مەكتەبی سیاسی یەكێتیی نیشتمانیی كوردستان لە بەغداد رایگەیاند: وەفدی باڵای  یەكێتیی نیشتمانیی كوردستان لە بەغداد بەردەوامە لە كۆبوونەوەكانی لەگەڵ لایەنە  سیاسییەكان  بۆ جێبەجێكردن و بەدەستهێنسنی  مافە  دەستوورییەكان.

راشیگەیاند: لە چوارچێوەی هەوڵەكان بۆ پتەوكردنی لێكتێگەیشتنە سیاسییەكان و خێراكردنی پێكهێنانی حكومەتی داهاتووی عیراق، وەفدی باڵای  یەكێتیی نیشتمانی كوردستان بەسەرۆكایەتی نزار ئامێدی ئەندامی  مەكتەبی سیاسی و لێپرسراوی مەكتەبی سیاسی لە بەغدادو ئەندامێتی خالد شوانی وەزیری دادی عیراق و رزگار حەمە لێپرسراوی مەكتەبی هەڵبژاردن  بەردەوامە لە سەردان و كۆبوونەوەكانی لەگەڵ لایەنە سیاسییە عیراقییەكان لە بەغداد. لەم سەردانانەدا وەفدەكە  پیرۆزبایی سەركەوتنی پڕۆسەی  هەڵبژاردنیان لە هێزە سیاسییەكان كرد و  ئاڵوگۆڕی بیرورا كرا سەبارەت بە قۆناغی داهاتووی پڕۆسەی سیاسی عیراق و گفتوگۆكردن لەسەر ئاسۆكانی هاوكاری و گرتنەبەری  دیالۆگ لە نێوان لایەنەكاندا و بەشداریكردنی هەموان  لە چەسپاندنی سەقامگیری سیاسی و دروستكردنی كەشێكی ئەرێنی بۆ  پێكهێنانی حكومەتێكی بەهێز كە توانای بەرەنگاربوونەوەی ئاستەنگەكانی ئێستای هەبێت.

ئاماژەی بەوەشكردووە: هه موو لایەنەكان جەختیان كردەوە  لەسەر پێویستی یەكخستنی هەوڵەكان و  زاڵگرتنی رێگای دیالۆگ  بۆ زیاتر پێشخستن  و گەشەپێدانی پڕۆسه ی سیاسی عیراق و گەیشتن به كۆدەنگی نیشتمانی كەكاریگەری ئەرێنی و باشی له سه ر ئایندەی وڵات ده بێت. 

مەكتەبی سیاسی یەكێتیی نیشتمانیی كوردستان لە بەغداد ئەوەشی خستووەتەڕوو: هەموو لایەنەكان ئەم سەردانانەی وەفدی باڵای یەكێتیان بەرزنرخاندو رۆڵ و گرنگی یەكێتیی نیشتمانیی كوردستانیان لە پرۆسەی سیاسی عیراقدا بە گەورەو كاریگەر وەسف كرد.

PUKMEDIA