کۆمسیۆن: یەکێتی ١٨ی کورسی پەرلەمانی عیراقی بەدەستهێنا

PUKMEDIA

یەکێتیی نیشتمانیی کوردستان

کۆمسیۆنی باڵای سەربەخۆی هەڵبژاردنەکانی عیراق ئەنجامی کۆتایی هەڵبژاردنی خولی شەشەمی ئەنجومەنی نوێنەرانی عیراقی راگەیاند و یەکێتیی نیشتمانیی کوردستان ١٨ی کورسی پەرلەمانی عیراقی بەدەستهێنا و لە سلێمانی و کەرکوک یەکەمە.

کۆمسیۆنی باڵای سەربەخۆی هەڵبژاردنەکانی عیراق ئەنجامی کۆتایی هەڵبژاردنی خولی شەشەمی ئەنجومەنی نوێنەرانی عیراقی راگەیاند و بەپێی ئەنجامەکان: یەکێتیی نیشتیمانیی کوردستان توانیویەتی ژمارەی دەنگەکانی زیاد بکات و ١٨ کورسی پەرلەمان بۆ خۆی مسۆگەر بکات کە چوار کورسی لە کەرکوکە بە بەدەستهێنانی 178 هەزارو 845 دەنگ یەکەمی کەرکوکە.

لە راگەیەندراوەکەی کۆمسیۆندا ئاماژە بەوەشدراوە: یەکێتی بەبەدەستهینانی دەنگ دوو کورسی پارێزگای دیلایە بەدەستهێناوە و  کاندیدێکی تریشی لە بەغدا بەناوی ئایات ئەدهەم حسێن بە  چوار هەزار و 708
 کورسییەکی ئەو پارێزگایەی بەدەستهێناوە.

باسلەوەشکراوە: هەروەها لە پارێزگای هەولێریش بە بەدەسهێنانی  ٩٧ هەزار و ٤١١ دەنگ یەکێتی بووە خاوەنی سێ کورسی و لە پارێزگای سلێمانیش بە بەدەستهێنانی 241 هەزار و 143 دەنگ بووە خاوەنی هەشت کورسی پەرلەمانی عیراق و یەکەمی سەر ئاستی پارێزگاکە.

PUKMEDIA