داواكراوێك دەستگیر دەكرێت

بەڕێوەبەرایەتی پۆلیسی پارێزگای سلێمانی

وێنەی تۆمەتبارەكە

مەفرەزەكانی بنكەی پۆلیسی سەیدسادقی سەر بە بەڕێوەبەرایەتی پۆلیسی پارێزگای سلێمانی، تۆمەتبارێكیان دەستگیركرد كە لەلایەن دادگای لێكۆڵینەوەی پارێزگای هەڵەبجەوە بەپێی ماددەی 405 لەیاسای سزادان بڕیاری دەستگیركردنی بۆ دەركرابوو.

بەڕێوەبەرایەتی پۆلیسی پارێزگای سلێمانی رایگەیاند: دوای ئەوەی بڕیاری دەستگیركردنی تۆمەتبارێك لەلایەن دادگای لێكۆڵینەوەی پارێزگای هەڵەبجەوە گەیشتە بەڕێوەبەرایەتی پۆلیسی پارێزگای سلێمانی و دواتر گشتاندنی بۆ سەرجەم بەش و بنكەكانی سەر بە بەڕێوەبەرایەتیمان پێكرا، دەستبەجێ هێزەكانی پۆلیس لێكۆڵینەوەكانیان دەستپێكردو شوێنی تۆمەتبار دەستنیشانكراو توانرا لەلایەن مەفرەزەكانی بنكەی پۆلیسی سەیدسادقی سەر بە بەشی پۆلیسی سەیدسادقەوە دەستگیربكرێت.

ئەوەشی خستەڕوو: لەكاتی دەستگیركردنی تۆمەتباردا دەستگیرا بەسەر پارچەیەك چەك لەجۆری دەمانچەدا و لەئێستادا تۆمەتبار (ئـ، ح، ح) بەبڕیاری دادوەرو بەپێی ماددەی 405 راگیراوەو دوای تەواوكردنی رێكارە یاساییەكان رەوانەی شوێنی داواكراو دەكرێتەوە.

PUKMEDIA