رێکخراوەکانی چاودێری هەڵبژاردن: پارتی لە هەولێر و دهۆک سەدان پێشێلکاری ئەنجامداوە

PUKMEDIA

پڕۆسەی هەڵبژاردن

تۆڕ‌ی شه‌مس بۆ چاودێری هه‌ڵبژاردنه‌كان ئاشكرایكرد كه‌له‌ پارێزگای هه‌ولێر و دهۆك سه‌دان پێشێلكاری له‌ده‌نگدانی تایبه‌تدا ئه‌نجامداوه‌، چاودێرانیش رایده‌گه‌یه‌نن: هێزه‌ ئه‌منییه‌كانی ئه‌و ناوچه‌یه‌ له‌ژێر چاودێری و هه‌ڕ‌ه‌شه‌دا ده‌نگده‌ده‌ن.

 هۆگر چه‌تۆ سه‌رۆكی تۆڕ‌ی شه‌مس رایگه‌یاند: رێكخراوه‌كه‌مان له‌پارێزگای هه‌ولێر سه‌دان پێشێلكاری تۆمار كردووه‌ كه‌له‌ ژێر هه‌ژموونی پارتی دیموكراتی كوردستاندایه‌، هاوكات چاودێرانی پرۆسه‌ی هه‌ڵبژاردن له‌پارێزگاكانی هه‌ولێر و دهۆك سه‌دان پێشێلكاری دیكه‌یان تۆمار كردووه‌، كه‌ لێپرسراو و كاندیدانی پارتی دیموكراتی كوردستان ئه‌نجامیان داوه‌.

په‌یوه‌ست به‌شێوازی پێشێلكارییه‌كانیش، چاودێرانی پرۆسه‌ی هه‌ڵبژاردن ئاشكرایان كردووه‌: پێشێلكارییه‌كان هه‌مه‌جۆرن، وه‌ك هێزه‌ ئه‌منییه‌كان له‌ژێر فشارو هه‌ڕ‌ه‌شه‌ و چاودێری به‌رپرسه‌كانیان ناچار ده‌كرێن ده‌نگبده‌ن، بۆ ئه‌وه‌ی ده‌نگ به‌كاندیدانی پارتی بده‌ن، كه‌ ئه‌مه‌ش پێشێلكارییه‌كی روونه‌، ئه‌مه‌ جگه‌ له‌وه‌ی له‌به‌رده‌م خوێندنگاكان كارتی بانگه‌شه‌ی كاندیدانی پارتی به‌ هێزه‌ ئه‌منییه‌كان ده‌درێت.

PUKMEDIA