قوباد تاڵەبانی: چارەسەری بنەڕەتی مووچە ستراتیژی یەکێتییە

نوسینگەی راگەیاندنی قوباد تاڵەبانی

قوباد تاڵەبانی

قوباد تاڵەبانی، سەرپەرشتیاری بازنەی هەولێری لیستی ٢٢٢ی یەکێتیی نیشتمانیی کوردستان لە کۆبوونەوەیدا لەگەڵ هەڤاڵانی بازنەکانی وەرتێ و قەسرێ رایگەیاند: کاتێک دەڵێین کیشەی مووچە و بودجە لە بنەرەتەوە چارەسەردەکەین تەنها دروشم نییە، بەڵکو ئەمە ستراتیژی یەکیتییە.


دەقی راگەیەندراوی کۆبوونەوەی سەرپەرشتیاری بازنەی هەولیری لیستی ٢٢٢ی یەکێتی لەگەڵ هەڤالانی بازنەکانی وەرتێ و قەسرێ:

ئەوەی وەک بەڵێن دەیدەین تەنها دروشم نین بۆ بانگەشەی هەڵبژاردن، بەڵکو ستراتیژی یەکێتین.
کاتێک دەڵێین کێشەی بودجە و مووچە بە شێوەیەکی بنەڕەتی چارەسەر دەکەین. کاتێک دەڵێین نابێ جیاوازی بکرێت لەنێوان جوتیارانی هەرێم و ناوچەکانی دیکە. کاتێک دەڵێین دەبێت مووچەی چین و توێژە جیاوازەکان هاوتای ناوچەکانی دیکەی عێراق بکرێن. کاتێک دەڵێین دەبێت سوتەمەنی و بەنزین بە هەمان نرخی ناوچەکانی دیکە لە هەرێم دابەش بکرێت.
 ئەمانە تەنها بەڵێن و دروشمی کاتی بانگەشە نییە، بەڵکو ستراتیژی یەکێتییە و لەم سێ ساڵەدا کاری بۆ کردووە و لەمەودواش کاریان بۆ دەکەین. ئەمانە مافی دەستوری خەڵکی کوردستانن، بۆیە داوای جێبەجێکردنی مادە بە مادەی دەستووری دەکەین.

لەکۆبوونەوەم لەگەڵ هەڤاڵانمان لە بازنەکانی وەرتێ و قەسرێ، مەڵبەندی هەمیشە سەوز جەختم کردەوە هیچ بەڵێنێکی یەکێتی بێ بنەما و لەخۆڕایی نییە، بەڵکو هەموو بەڵێنەکان روونن و لە چوارچێوەی ستراتیژی یەکێتیدایە کە جێبەجێکردنی دەستوورە وەک خۆی. بۆیە پێویستە خەڵکی کوردستان بۆ دابینکردن و گەرەنتیکردنی مافە دەستورییەکانیان لەم هەڵبژاردنەدا پێگەی یەکێتی لە بە‌غدا بەهێزتر بکەن.

PUKMEDIA