هەر میدیایەك گفتوگۆ لەگەڵ بەندكراواندا بكات سزا دەدرێت

Getty Stock Images

بەندكراو

بەڕێوەبەرایەتی گشتی راگەیاندن و چاپ و بڵاوكردنەوە، گشتاندنێك ئاراستەی میدیاكان دەكات و ئاگاداریان دەكاتەوە كە خۆیان لە گفتوگۆكردن و وەرگرتنی وتە لە بەندكراوان بەدوور بگرن.

لە گشتاندنەكەدا كە لەلایەن بەشی یاسایی بەڕێوەبەرایەتی گشتی راگەیاندن و چاپ و بڵاوكردنەوەی سەر بە وەزارەتی رۆشنبیری و لاوانی حكومەتی هەرێمی كوردستان بڵاوكراوەتەوە و ئیمزای شیروان عولا خورشید بەڕێوەبەری گشتی لەسەرە و ئاڕاستەی بەڕێوەبەرایەتییەكانی سلێمانی و هەولێر و دهۆك و سۆران كراوە، ئاماژە بەوەدراوە  پێویستە گشت میدیاكانی بینراو، بیستراو، خوێندرا، ئەلكترۆنی و پۆرتاڵ خۆیان بەدوور بگرن لە گفتوگۆكردن و وەرگرتنی وتەی كەسانی بەندكراو، بەپێی ماددەی 3 و ماددەی 6 لە رێنمایی ژمارە 3ی ساڵی 2017 ی وەزارەتی كاروباری كۆمەڵایەتی.

بەپێی یاساكە رێگری دەكرێت لە سزادراوان كە چاوپێكەوتنی تەلەفزیۆنی و تۆماری دەنگی و ڤیدیۆیی بۆ دەزگاكانی راگەیاندن بنێرن و بڵاوبكرێتەوە.

لە گشتاندنەكەدا ئەوەشخراوەتەڕوو: هەر دەزگایەكی میدیایی پابەندی ئەو یاسایە نەبێت و لۆژیك و ئیتیكی كاری رۆژنامەوانی ببەزینێت روبەڕوی یاسا دەكرێتەوە و رێكاری یاسایی لەگەڵدا دەگیرێتەبەر.
PUKMEDIA

دەقی گشتاندنەكە: