مەکتەبی سکرتارییەت تێکۆشەرێکی دێرین بەسەردەکاتەوە

نوسینگەی رۆژنامەوانی مەکتەبی سکرتارییەتی سەرۆک مام جەلال

مەکتەبی سکرتارییەتی سەرۆک مام جەلال

مەکتەبی سکرتارییەتی سەرۆک مام جەلال لە شاری هەولێر، سەردانی فەرماندە و تێکۆشەری دێرینی گەلی کورد و یەکێتیی نیشتمانیی کوردستان ( فواد عومەر چەلەبی )یانکرد.

لەو سەردانەدا، مەکتەبی سکرتارییەت بە شکۆوە مێژووی پاک و گەشی  فواد یان خستەوەڕوو وەک یەکێک لە فەرماندە قارەمان و بە ورەکانی پێدەشتەکانی هەولێر کە ئازایانە تێدەکۆشا بۆ ئازادی و سەربەستی گەلەکەی و دەستێکی پۆڵاین بوو بە نەیارەکانی گەلی کورد.

لەم رووەوە مەکتەبی سکرتارییەتی سەرۆک مام جەلال پەیام و سڵاوی یەکێتیانەی سەرۆک بافڵ جەلال تاڵەبانی ؛ هەڤاڵ قوباد تاڵەبانیان ئاڕاستە کرد و هیوا سەلامەتی زیاتر و تەندروست باشییان بۆ خواست.

لە بەرامبەردا، هەڤاڵ فواد چەلەبی سوپاسی ئەو سەردانیکردنەی کرد و بەسەر کردنەوەی تیکۆشەرانی بە کارێکی پڕ وەفا لە قەڵەمدا.

PUKMEDIA