دابەشکردنی مووچەی مانگی ئاب بەردەوامە

PUKMEDIA

دراوی عیراقی

ئەمڕۆ 28ی 10ی 2025، بۆ دووەم رۆژ  بەدابەشکردنی مووچەی مانگی ئاب بەردەوامە و چەند وەزارەتێك مووچە وەردەگرن.

بەپێی ئەو خشتەیەی وەزارەتی دارایی و ئابوری حکومەتی هەرێمی کوردستان بڵاویكردووەتەوە، ئەمڕ‌ۆ سێشەممە وەزارەتەكانی (خانەنشینی پێشمەرگە، خاوەن پێداویستی تایبەت، ئاوەدانکردنەوە و نیشتەجێکردن، تەندروستی، ناوخۆ، داد، ئەنجومەنی دادوەری، پلاندانان،بازرگانی و پیشەسازی،سامانە سروشتییەکان،گواستنەوە و گەیاندن،کشتوکاڵ و سەرچاوەکانی ئاو، شارەوانی و گەشتوگوزار) مووچەی مانگی ئاب وەردەگرن.

ئەمەش لەکاتێکدایە، رۆژی 26ی 10ی 2025، بڕی 945 ملیار و 817 ملیۆن دینار وەك تەمویلی مووچەی مانگی ئابی فەرمانبەران و مووچەخۆرانی هەرێمی كوردستان خرایە سەر هەژماری بانكی وەزارەتی دارایی و ئابووری هەرێمی كوردستان لە لقی هەولێری بانكی ناوەندی عیراق.

PUKMEDIA