ئەمڕۆ کۆتا رۆژى دابەشکردنى مووچەی مانگی حوزەیرانە

PUKMEDIA

دینارى عیراقى

ئەمڕۆ پێنجشەممە 4ى9ى2025 بۆ سێیەمین  و کۆتا رۆژ دابەشکردنى مووچە بەردەوامە و چەند وەزارەتێک مووچەی مانگی حوزەیرانی ئەمساڵ وەردەگرن.

بەپێی ئەو خشتەیەی وەزارەتی دارایی و ئابوری هەرێم بڵاویکردووەتەوە، ئەمڕۆ پێنجشەممە 4ى9ى2025 مووچەخۆرانى کاروکاروبارى کۆمەڵایەتى، رۆشنبیرى و لاوان، کارەبا، ئەوقاف و کاروبارى ئاینى، خوێندنى باڵاوتوێژینەوەى زانستى، سەرۆکایەتى پەرلەمان، سەرۆکایەتى ئەنجومەنى وەزیران، سەرۆکایەتى هەرێم، پێشمەرگە(دیوان،لیواکان)، یەکەى 70 و 80 ، ب.پۆلیسى دام و دەزگا نەوتیەکان، ئەنجومەنى ئاسایش و دەزگاى ئاسایش، هێزى زێرەڤانى و فەرماندەى بەرگرى فریاکەوتن مووچەی مانگی حوزەیرانی ئەمساڵ وەردەگرن. 

وەزارەتی دارایی و ئابوری حكومەتی هەرێمی كوردستان، رۆژی 2ى9ى2025  دابەشكردنی مووچەی مانگی حوزەیرانی دەستپێكرد.  

ئەمەش لە كاتێكدایە، رۆژى دووشەممە 1ى9ى2025 لە راگەیەنراوێکدا وەزارەتی دارایی و ئابووری حکومەتى هەرێمى کوردستان رایگەیاند: "بڕی (1,007,352,000,000) یەک ترلیۆن و حەوت ملیارو سێ سەدو پەنجاو دوو ملیۆن دینار وەک تەمویلی مووچەی مانگی حوزەیرانی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عێراق".



PUKMEDIA