ئەمڕۆ چەند وەزارەتێک مووچەی مانگی حوزەیران وەردەگرن

PUKMEDIA

دراوی عیراقی

ئەمڕۆچوارشەممە 3ى9ى2025 بۆ دووەمین رۆژ دابەشکردنى مووچە بەردەوامە و چەند وەزارەتێک مووچەی مانگی حوزەیرانی ئەمساڵ وەردەگرن.

بەپێی ئەو خشتەیەی وەزارەتی دارایی و ئابوری هەرێم بڵاویکردووەتەوە، ئەمڕۆ چوارشەممە 3ى9ى2025 مووچەخۆرانى ئاوەدانکردنەوە و نیشتەجێکردن، تەندروستى، ناوخۆ، داد، ئەنجومەنى دادوەرى، پلاندانان، بازرگانى و پیشەسازى، سامانەسروشتییەکان، گواستنەوە و گەیاندن، کشتوکاڵ و سەرچاوەکانى ئاو، شارەوانى و گەشتوگوزار مووچە وەردەگرن. مووچەی مانگی حوزەیرانی ئەمساڵ وەردەگرن. 

وەزارەتی دارایی و ئابوری حكومەتی هەرێمی كوردستان، رۆژی 2ى9ى2025  دابەشكردنی مووچەی مانگی حوزەیرانی دەستپێكرد و بەپێی خشتەكە، رۆژی پێنجشەممە 4ى9ى2025 كۆتایی بەدابەشكردنی مووچە دێت.  

ئەمەش لە كاتێكدایە، رۆژى دووشەممە 1ى9ى2025 لە راگەیەنراوێکدا وەزارەتی دارایی و ئابووری حکومەتى هەرێمى کوردستان رایگەیاند: "بڕی (1,007,352,000,000) یەک ترلیۆن و حەوت ملیارو سێ سەدو پەنجاو دوو ملیۆن دینار وەک تەمویلی مووچەی مانگی حوزەیرانی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عێراق".


PUKMEDIA