وەزارەتی دارایی خشتەی مووچەی مانگی حوزەیرانى راگەیاند

PUKMEDIA

دراوی عیراقی

وەزارەتی دارایی هەرێم، خشتەی مووچەی مانگی حوزەیرانى فەرمانبەران و مووچەخۆرانی هەرێمی كوردستانی راگەیاند و بەپێی خشتەكەش، رۆژی سێشەممە دەست بەدابەشكردنی مووچەی مانگی حوزەیران دەكرێت و رۆژی پێنجشەممەش كۆتایی بەدابەشكردنی مووچە دێت.

ئەمڕۆ دووشەممە 1ى9ى2025 وەزارەتی دارایی وئابوورى هەرێم رایگەیاند: " رۆژی سێشەممە رێکەوتی ( 2ی ئەیلولی 2025 ) دەست بەدابەشکردنی مووچەی مانگی حوزەیرانی فەرمانبەران و مووچەخۆرانی هەرێمی کوردستان دەکرێت و رۆژی پێنجشەممە ( 4 ی ئەیلوولی 2025 ) کۆتایی بەدابەشکردنی مووچە دێت.  

بەگوێرەی خشتەكەش، سبەینێ سێشەممە 2ى9ى2025 مووچەخۆرانى خانەنشینانی شارستانی، خاوەن پێداویستی تایبەت، زیندانە سیاسییەكان، بەركەوتوانی كیمیاباران، كەسوكاری شەهیدان و ئەنفالكراوان، کاروبارى شەهیدان و ئەنفالکراوان، پەروەردە، خانەنشینى پێشمەرگە، دارایى و ئابورى، دەستەى دەستپاکى، دەستەى وەبەرهێنان، دەستەى ژینگە، دەزگاى مین، ناوچەکانى دەرەوەى هەرێم، کۆمسیۆنى باڵاى هەڵبژاردن، دیوانى چاودێرى دارایى، مافى مرۆڤ مووچە وەردەگرن.

رۆژى چوارشەممە 3ى9ى2025 مووچەخۆرانى ئاوەدانکردنەوە و نیشتەجێکردن، تەندروستى، ناوخۆ، داد، ئەنجومەنى دادوەرى، پلاندانان، بازرگانى و پیشەسازى، سامانەسروشتییەکان، گواستنەوە و گەیاندن، کشتوکاڵ و سەرچاوەکانى ئاو، شارەوانى و گەشتوگوزار مووچە وەردەگرن. 

رۆژى پێنجشەممە 4ى9ى2025 مووچەخۆرانى کاروکاروبارى کۆمەڵایەتى، رۆشنبیرى و لاوان، کارەبا، ئەوقاف و کاروبارى ئاینى، خوێندنى باڵاوتوێژینەوەى زانستى، سەرۆکایەتى پەرلەمان، سەرۆکایەتى ئەنجومەنى وەزیران، سەرۆکایەتى هەرێم، پێشمەرگە(دیوان،لیواکان)، یەکەى 70 و 80 ، ب.پۆلیسى دام و دەزگا نەوتیەکان، ئەنجومەنى ئاسایش و دەزگاى ئاسایش، هێزى زێرەڤانى و فەرماندەى بەرگرى فریاکەوتن مووچە وەردەگرن.  

ئەمڕۆ دووشەممە 1ى9ى2025 لە راگەیەنراوێکدا وەزارەتی دارایی و ئابووری حکومەتى هەرێمى کوردستان رایگەیاند: "بڕی (1,007,352,000,000) یەک ترلیۆن و حەوت ملیارو سێ سەدو پەنجاو دوو ملیۆن دینار وەک تەمویلی مووچەی مانگی حوزەیرانی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عێراق".

خشتەی مووچەی مانگی ئایار:



PUKMEDIA