حکومەتی هەرێم 120ملیار دیناری خستە سەرهەژماری دارایی عیراق

PUKMEDIA

دراوی عیراقی

حکومەتى هەرێمى کوردستان 120 ملیار دینارى خستە سەر هەژماری وەزارەتی دارایی فیدراڵ.

ئەمڕۆ پێنجشەممە 28ى8ى2025 رێکارەکانى ناردنی داهاتی نانەوتی بۆ عیراق تەواوبوون و 120 ملیار دینارەکە خرایە سەر هەژماری وەزارەتی دارایی فیدراڵ. 

لەوبارەیەوە وەزارەتی دارایی و ئابووری حکومەتى هەرێم رایگەیاند: داهاتی نانەوتی هەرێمی کوردستان بۆ مانگی حوزەیرانی ساڵی (2025 ) کە بڕەکەی (12000000000 ) سەدو بیست ملیار دینارە، بەشێوەی کاش خرایە سەر هەژماری بانکی وەزارەتی دارایی حکومەتی فیدراڵ لەلقی هەولێری بانکی ناوەندی عیراق.

رۆژی 26ى8ى 2025، کۆبوونەوەی ئەنجومەنی وەزیرانی عیراق بەڕێوەچوو، لە کۆبوونەوەکەدا بڕیار درا، مووچەی مانگی حوزەیرانی مووچەخۆرانی هەرێمی کوردستان خەرج بکرێت، ئه‌مه‌ش وه‌ك ئه‌ركێكی مرۆڤایه‌تی به‌رامبه‌ر مووچه‌خۆرانی هه‌رێم و  له‌به‌رامبه‌ریشدا پێویستبوو حكومه‌تی هه‌رێم بڕی 120 ملیار دینار وه‌ك داهاتی نانه‌وتی مانگی شه‌ش بۆ عیراق بنێرێت.

له‌ماوه‌ی زیاتر لە 100 رۆژی رابردوودا حكومه‌تی هه‌رێمی كوردستان ته‌نها یه‌ك مووچه‌ی بۆ مووچه‌خۆرانی خه‌رجكردوه‌، له‌كاتێكدا مووچه‌خۆرانی هه‌رێم سێ مووچه‌ی ئه‌مساڵیان لای حكومه‌ته‌.


PUKMEDIA