زیندانیانی سیاسی تا تەمەنی 65 ساڵی لە راژەکانیان بەردەوام دەبن

PUKMEDIA

چرۆ حەمە شەریف

زیندانیانی سیاسی هەرێمی کوردستان ئەوانەی کە مووچەی زیندانی سیاسی وەرناگرن  و فەرمانبەری حکومەتی هەرێمن  ، پێنج ساڵ خزمەتی وەزیفەیان لە دام و دەزگاکاندا بۆ درێژ دەکرێتەوە و لە راژەکانیان بەردەوام دەبن.

چرۆ حەمەشەریف ئەندامی لیژنەی شەهیدان لە ئەنجومەنی نوێنەرانی عیراق بە PUKMEDIA ی راگەیاند: زیندانیانی سیاسی هەرێمی کوردستان ، وەجبەی (9 تا15) ئەوانەی کە تا ئێستا مووچەی زیندانی سیاسی وەرناگرن  و فەرمانبەری حکومەتی هەرێمن  ، پێنج ساڵ خزمەتی وەزیفەیان لە دام و دەزگاکاندا بۆ درێژ دەکرێتەوە و لە بری ئەوەی لە تەمەنی 60 ساڵی خانەنشین بکرێن لە تەمەنی 65 ساڵی خانەنشین دەکرێن.

راشیگەیاند: وەک و لیژنەی شەهیدانی ئەنجومەنی نوێنەرانی عیراق ، دووای ئەوەی لە ماوەی ساڵی ڕابردوودا خوێندنەوەی یەکەم و دووەممان بۆ هەمواری یاسای دامەزراوەی زندانییە سیاسیەکانی عیراق کرد ،  لەهەوڵی بەردەوامداین بۆ ئەوەی لە چەند هەفتەی داهاتوودا دەنگ لە سەر هەموارەکە بدەین و سەرجەم زیندانیانی سیاسی هەرێمی کوردستان ، بەتایبەت ئەوانەی کە مووچەیان بۆ نەبەستراوە بەتایبەت ترییش زیندانیانی ئەنفال و قوربانیانی هەڵەبجە ئەوانەی ساڵی 1988ئاوارەی ئێران بوون ، بەماف و شایستە دارایەکانی خۆیان بگەن .

PUKMEDIA