ترەمپ مۆڵەتی رێککەوتنی بازرگانی لەگەڵ چین درێژکردەوە

میدیاکان

دۆناڵد ترەمپ سەرۆکی ئەمریکا

دۆناڵد ترەمپ سەرۆکی ئەمریکا مۆڵەتی 90  رۆژی دیکەی بۆ رێککەوتنی بازرگانی دایە چین و فەرمانیکرد بڕیارەکانی سەپاندنی باجی گومرگی زیاتر بەسەر کاڵای چینیدا دوابخرێت.

بەپێی راپۆرتێکی وۆڵ ستریت جۆرناڵ، چەند سەعاتێک پێش کۆتاییهاتنی ئەو وادەیەی واشنتن بۆ رێککەوتن لەگەڵ چین داینابوو، ترەمپ بە فەرمانێک باجی گومرگی سەر ستیلی چینی بۆ 90 رۆژی دیکە دواخست.

پێش مانگی ئایاری رابردوو، چین و ئەمریکا وەک دوو گەورەترین ئابووریی جیهان، چەندینجار زیادکردنی باجیان لەسەر کاڵای یەکتر راگەیاند و لە ئێستاشدا واشنتن چاوی لە رێککەوتنی بازرگانییە بۆ ئاساییکردنەوەی پەیوەندییە بازرگانییەکانی نێوانیان.

ئەمەش لەکاتێکدایە پێشتر سەرۆکی ئەمریکا رایگەیاندبوو، بە باشی مامەڵە لەگەڵ چیندا دەکەن و دەیانەوێت بگەنە رێککەوتن.

PUKMEDIA