پرسەنامەکان بۆ کۆچی دوایی سیاکۆ ئاکۆ عەباس ئاغا

PUKMEDIA

پرسەنامە

ئێوارەی ئەمڕۆ 31-3-2025 سیاکۆی کوڕی ئاکۆ عەباس ئاغا کۆچی دواییکرد، بەم بۆنە خەمناکەوە کۆمەڵێک پرسەنامە و هاوخەمی ئاڕاستەی بنەماڵەکەی کرا، کە ئەمەی خوارەوە دەقەکانیانە:

هاوخەمی سەرۆک بافڵ

بەڕێز کاک ئاکۆی عەباس ئاغا

کۆچی دوایی کاکە سیاکۆی کوڕتان لە دڵەوە نیگەران و غەمباریکردین، بۆ ئەم خەمەتان پرسە و سەرەخۆشی خۆمان ئاڕاستەی ئێوەی بەڕێز و کەسوکارو بنەماڵە سەربەرزەکەتان دەکەم و هاوخەمتانین.

 لەخوای گەورە داواکارین گیانی کۆچکردوو بە بەهەشتی بەرین شادبکات، سەبووری و ئارامی بە هەموولایەک ببەخشێت.

بافڵ جەلال تاڵەبانی
سەرۆکی یەکێتیی نیشتمانیی کوردستان

هاوخەمی کۆسرەت رەسوڵ عەلی

کۆسرەت رەسوڵ عەلی پرسەنامەیەک ئاراستەی ئاکۆی عەباس ئاغا دەکات

برای بەڕێزم کاک ئاکۆی عەباس ئاغا

بەداخێکی زۆرەوە هەواڵی کۆچی دوایی و جوانەمەرگ بوونی کاکە (سیاکۆ)ی کوڕی جەنابتانم بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆمتان ئاراستە دەکەم، هیواخوازم ئەمە دواکۆست و ناخۆشیتان بێت، خوای گەورە سەبووریتان بدات و کۆچکردوو جێگای بەهەشتی بەرین بێت.

براتان
کۆسرەت رەسوڵ عەلی

هاوخەمی مەکتەبی سیاسی

بەڕێز کاک ئاکۆعەباس ئاغا

بۆ کۆچی دوایی کاک سیاکۆی کوڕتان پرسە و ماتەمی خۆمان ئاڕاستەی بەڕێزتان و کەسوکار و خانەوادەکەتان دەکەین

لەیەزدانی مەزن داواکارین کۆچکردوو بە بەهەشتی بەرین شاد بێت و ئارامی بە گشت  لایەکتان ببەخشێت

انا للە  وانا الیە راجعون

مەکتەبی  سیاسی 
یەکێتیی نیشتمانیی کوردستان

PUKMEDIA