رێبوار تەها وەک پارێزگاری کەرکوک هەڵبژێردرا

PUKMEDIA

رێبوار تەها پارێزگاری کەرکوک

کۆبوونەوەی ئەنجومەنی پارێزگای کەرکوک بەڕێوەچوو، تێیدا رێبوار تەها وەک پارێزگاری کەرکوک لە پشکی کورد هەڵبژێردرا.

ئەمڕۆ شەممە 10ـی 8ـی 2024، لە بەغدا، کۆبوونەوەی ئەنجومەنی پارێزگای کەرکوک بەڕێوەچوو، تێیدا رێبوار تەها سەرۆکی هاوپەیمانی کەرکوک هێز و ئیرادەمانە لە پشکی کورد وەک پارێزگاری کەرکوک هەڵبژێردرا، هەروەها محەمەد حافز لە پشکی عەرەب بە سەرۆکی ئەنجوومەنی پارێزگای کەرکوک هەڵبژێردرا.

رۆژی 18ی 12ی 2023، هەڵبژاردنی ئەنجومەنی پارێزگاکانی عیراق و لەو چوارچێوەیەشدا هەڵبژاردنی ئەنجومەنی پارێزگای کەرکوک ئەنجامدرا، کە تێیدا هاوپەیمانی کەرکوک هێز و ئیرادەمانە کە لەنێوان یەکێتی و شیوعی بوو، لە کەرکوک زۆرترین دەنگی لەسەر ئاستی پارێزگاکە بەدەست هێنا و هێزی یەکەمی هەموو پێکهاتەکان بوو کە خاوەنی 157 هەزار و 639 دەنگە، کە دەکاتە 43٪ دەنگەکانی ئەو پارێزگایەو 5 کورسی بەدەستهێنا.

بەشێوەیەکی گشتیش لە کەرکوک لەکۆی سەرجەم لیست و قەوارە بەشدارەکان، کورد 242716 دەنگ واتە 7 کورسی و عەرەب 212089 دەنگ واتە 6 کورسی و تورکمان 97870 دەنگ واتە 2 کورسی و مەسیحی 1703 دەنگ واتە 1 کورسییان بەدەستهێنا، بەپێی ئیستحقاقی هەڵبژاردنیش پێکهاتەی کورد پۆستی پارێزگاری کەرکوکی بەرکەوت و پێکهاتەی عەرەب سەرۆکی ئەنجومەنی پارێزگای کەرکوکی بەرکەوت. 

نوێدەکرێتەوە...

PUKMEDIA