دانوستانەکانی ئەمریکا و ئێران لە سویسرا دەستیپێکرد

میدیاکان

دەستپێکردنی دانوستانی ئەمریکا و ئێران

کەمێک پێش ئێستا دانوستانی دەریاچەی لۆسێرین لە سویسرا لە نێوان ئەمریکا و ئێران دەستیپێکرد و رێککەوتنی ئاشتی هەمیشەیی و کردنەوەی گەروی هورمز و دۆخی لوبنان لە گرنگترین پرسی دانوستانەکان دەبێت.

ئەمڕۆ 21ی6ی2026، دانوستانی وەفدی ئەمریکا بە سەرۆکایەتی جەی دیڤانس جێگری سەرۆکی ئەمریکا و محەمەد باقر قالیباف سەرۆکی وەفدی ئێران دەستیپێکرد، کە بە نێوەندگیری قەتەر و پاکستان بەڕێوەدەچێت.

پەیوەست بە دۆخی دانوستانەکان، ماجيد ئەنساری وته‌بێژی وه‌زاره‌تی ده‌ره‌وه‌ی قه‌ته‌ر، رایگەیاند: هیوادارین ئه‌م كۆبوونه‌وانه‌ بگه‌نه‌ رێككه‌وتنێكی گشتگیر، كه‌ چاره‌سه‌ری هه‌موو ره‌هه‌نده‌كانی یاداشتی لێكتێگه‌یشتنه‌كەی نێوان تاران و واشنتۆن بكات.

 لە بارەی بەڕێوەچوونی دانوستانەکانیش، دوای ئیمزاکردنی رێککەوتنەکە، وتەبێژەکەی وەزارەتی دەرەوەی قەتەر، ئاشکرای کرد: گروپی تەکنیکی و پسپۆڕ بۆ دانوستان لەسەر مەرجەکانی هەردوو لایەن پێکدەهێنریت، ئێمەش وەک قەتەر لەگەڵ پاکستان  وەک نێوەندگیر بەردەوام دەبین.

 هاوکات، جەی دیڤانس، جێگری سەرۆکی ئەمریکا پێش کۆبوونەوەکە، رایگەیاند: دەمانەوێت لەرێگەی دیپلۆماسییەوە ئاشتییەکی هەمیشەیی بەردەوام بێت.
دووپاتیشی کردەوە: کە گەروی هورمز کراوەتەوە و هەنگاوی باشیش بۆ رێککەوتن نراوە.

ڤانس ئاماژەی بەوەش کرد کە لە دوو سەعاتی رابردوودا پێشکەوتنی گەورە لە دانوستانەکاندا بەدی هاتووە.
وتیشی:بۆ یەکەمجار بە مەبەستی چارەسەرکردنی کێشە هەڵپەسێردراوەکان، بە شێوەیەکی راستەوخۆ لەگەڵ ئێرانییەکان کۆدەبینەوە.

ئەمەش لەکاتێکدایە، بڕیار بوو رۆژی هەینی 19ی6ی2026، لە سویسرا بە رەسمی رێککەوتنی ئاشتی لەنێوان ئەمریکا و ئێران ئیمزا بکرێت، بەڵام بەهۆی تەواو نەبوونی رێککارەکان، بۆ ئەمڕۆدواخرا، هەوڵی ئاشتی هەمیشەیی لە نێوان ئەمریکا و ئێران لە 11ی4ی2026 وە بە نێوەندگیری پاکستان دەستیپێکردووە، دواین چەندین شکست لە کۆتایدا گەیشتنە رێککەوتنی کۆتایی.

PUKMEDIA