ده‌زگای ئاسایشی هه‌رێم روونكردنه‌وه‌ لەباره‌ی ته‌قینه‌وه‌ی ئۆتۆمبێلێك له‌سلێمانی ده‌دات

PUKMEDIA

لۆگی دەزگای ئاسایشی هەرێم

ده‌زگای ئاسایشی هه‌رێم روونكردنه‌وه‌ له‌سه‌ر ته‌قینه‌وه‌ی ئۆتۆمبێلێك له‌ سلێمانی ده‌دات و ئاماژه‌ بۆ ئه‌وه‌ده‌كات: "تائێستادا هۆكاری ته‌قینه‌وه‌كه‌ی نه‌زانراوه‌".

به‌پێی روونكردنه‌وه‌یه‌كی ده‌زگای ئاسایشی هه‌رێم كه‌ كۆپیه‌كی بۆ PUKMEDIA نێدراوه‌ تێیدا هاتووه‌:"نیوه‌ڕ‌ۆی ئه‌مڕ‌ۆ 2-7-2024 سه‌عات 11:30 ده‌قیقه‌، به‌هۆی ته‌قیینه‌وه‌ی ئۆتۆمبێلێك له‌جۆری كیا سپۆرتاج ڕ‌ه‌نگی سپی له‌نزیك پڕ‌ۆژه‌ی میران سیتی له‌گه‌ڕ‌ه‌كی ڕ‌اپه‌رین، بووه‌ هۆی برینداربوونی دووكه‌س به‌سه‌ختی، كه‌ یه‌كێكیان شۆفێری ئۆتۆمبێلێكه‌یه‌ و ئه‌وه‌ی دیكه‌یان سه‌رنشین بووه‌و له‌ئێستادا لێكۆڵینه‌وه‌ له‌ هۆكاری ته‌قینه‌وه‌كه‌ به‌رده‌وامه‌و تائێستادا هۆكاری ته‌قینه‌وه‌كه‌ی نه‌زانراوه‌".

PUKMEDIA