مەکتەبی سکرتارییەت: خزمەتی مام ساڵح جێگای ستایشمانە

PUKMEDIA

سەردانی وەفدێکی مەکتەبی سکرتارییەت بۆلای ساڵح ئەحمەد ناسراو بە ( مام ساڵح )

مەکتەبی سکرتارییەتی سەرۆک مام جەلال لە شاری سلێمانی سەردانی ساڵح ئەحمەد ناسراو بە ( مام ساڵح ) تەکنیککاری دێرین یەکێتی و شارەزای پەخشی تەلەفزیۆنی گەلی کوردستانیان کرد .

لەو سەردانەدا مەکتەبی سکرتارییەت پێزانینیان بۆ ماندووبوونی مام ساڵح دەربڕی کە وەک تەکنیکارێک لە فراوانکردنی پەخشی تەلەفزیۆنی گەلی کوردستان لە هەرێم و دەوروبەرو خزمەتکردنی بە لایەنە تەکنیکیەکانی پەخشی تەلەفزیۆنی لە هەرێم رۆڵی گرنگی گێراو خزمەتی گەورەی بە پێشخستنی لایەنی میدیایی بینراو لە ساڵی ١٩٩٢ و ساڵانی دواتر پێشکەشکرد کە ئەمڕۆ جێگای ستایشمانە.

لەبەرامبەردا مام ساڵح خۆشحاڵی خۆی بەو سەردانە دەربڕی و دواییکرد هەموو ئەو کەسانەی لەبوارە جیاجیاکانی ژیاندا خزمەتیان کردوە لەبیرنەکرێن و ئاوڕ لەمێژووەکانیان بدرێتەوە و ئەوەی مەکتەبی سکرتارییەش دەیکات جێگای پێزانیمانەو دڵنیاین ئەو خزمەتەی پێشکەشمان کردوە لەیاد ناکرێت.
PUKMEDIA