هاوخەمییەكان بۆ كۆچی دوایی حاكم گەشاو مەریوانی

PUKMEDIA

حاكم گەشاو مەریوانی

ئەمڕۆ 18-1-2024، حاكم گەشاو مەریوانی خوشكی شەهید دڵشاد مەریوانی كۆچیدوایی كرد، لەو چوارچێوەیەشدا ژمارەیەك پرسەنامە ئاڕاستەی خێزان و خانەوادەی كۆچكردوو كراون.

دەقی پرسەنامەكان:

سەرۆك بافڵ: خاتوو گەشاو یەكێك بوو لە دادوەرە دیارەكانی كورد

كۆچی دوایی دادوەری خانەنشین (گەشاو محەمەد ئەمین) خوشكی شەهید دڵشاد مەریوانی، لە دڵەوە نیگەرانیكردین.

‎بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی كەسوكار و  بنەماڵە سەربەرزەكەیان دەیەم كە رۆڵێكی دیار و بەرچاویان گێڕاوە لەمێژووی خەباتی گەلەكەمان.

‎خاتوو گەشاو محەمەد یەكێك بوو لە دادوەرە بەئەزموون و دیارەكانی كورد، ساڵانێكی زۆر لە دادگاكان خزمەتی كرد و هەوڵی زۆر لەپێناو چەسپاندنی دادپەروەری و سەروەریی یاسا داوە.

‎خوای گەورە بە بەهەشتی بەرینی شادبكات و سەبووری بەهەموولایەك ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆكی یەكێتیی نیشتمانیی كوردستان

هاوخەمی قوباد تاڵەبانی بۆ كۆچی دوایی حاكم گەشاو مەریوانی

بەڕێزان خێزان و خانەوادەی كۆچكردوو خاتوو حاكم گەشاو مەریوانی

بەبیستنی هەواڵی كۆچی دوایی خاتوو (حاكم گەشاو مەریوانی) نیگەران و دڵگران بووم. 

حاكم گەشاو یەكێك بوو لەو دادوەرانەی كە رۆڵێكی گرنگی هەبوو لە چەسپاندنی یاساو  دادوەرێكی چالاكی دادگای سلێمانی و پاڵپشتی پرسی ژنان و مافەكانیان بوو. جگە لەوەش لەبنەماڵەیاڵەیەكی تێكۆشەری گەلەكەمانە و خوشكی شەهید دڵشاد  مەریوانی بوو، كۆچكردنی مایەی نیگەرانی هەموومانە.

بۆ ئەم خەمە، پرسە و سەرەخۆشی لەئێوە و خانەوادە تێكۆشەرەكەتان دەكەم، خوای گەورە لەكۆچكردوو خۆش بێت و جێگەی بەهەشت بێت، سەبوری و دڵنەواییش بەهەموو لایەك ببەخشێت. 

انا لله وانا الیه راجعون

قوباد تاڵەبانی
جێگری سەرۆكی ئەنجومەنی وەزیران

PUKMEDIA