دەرباز كۆسرەت رەسوڵ: نەهاتنی موچەی فەرمانبەران گرفتێکی تەكنیكییە

ئەرشیف

دەرباز كۆسرەت رەسوڵ لێپرسراوی مەكتەبی پەیوەندییەكانی یەكێتیی نیشتمانیی کوردستان

لێپرسراوی مەكتەبی پەیوەندییەكانی یەكێتیی نیشتمانیی کوردستان رایدەگەیەنێت:" نەهاتنی موچەی فەرمانبەرانی هەرێم تەنیا گرفتی تەكنیكییە داوا دەكەین بەزوترین كات چارەسەربكرێت"، دەشڵێت:":" باوەڕناكەم هەڵبژاردنی ئەنجومەنی پارێزگای كەركوك دوابخرێت ئێمە ئێستا لەهەڵمەتی بانگەشەی هەڵبژاردنداین".

دەرباز كۆسرەت رەسوڵ لێپرسراوی مەكتەبی پەیوەندییەكانی یەكێتیی نیشتمانیی کوردستان لە لێدوانێکیدا بۆ کەناڵەکانی راگەیاندن وتی:" پێمان باش بوو كاك شۆرش بگەرێتەوە سەر ئەركەكەی پێشوتری، چونکە دۆخی ناوچەكە بەدۆخێكی هەستیاردا تێپەردەبێت و هاوپەیمانانیش ماوەی ساڵیك زیاترە پێداگری لەسەر ئەوە دەكەن كە ناكرێ وەزارەتی پێشمەرگە بێ وەزیر بێت".

وتیشی:"وەك باس دەكرێت نەهاتنی موچەی فەرمانبەرانی هەرێم تەنیا گرفتی تەكنیكییە و داوا دەكەین بەزوترین كات چارەسەربكرێت، چونكە مافێكی دەستوری خەڵكی كوردستانە هەر حكومەتێك لەبەغدا لەسەر حوكم بێت دەبێت ئەو ئیلتزامە دەستورییە جێبەجێبكات".

دەرباز کۆسرەت رەسوڵ ئاماژەی بەوەشکرد:"پەیوەندییەكانی یەكێتیی لەگەڵ وڵاتان لەئاستێكی باش دایە و لە ئێستاشدا ئێمە لە هەڵمەتی بانگەشەی هەڵبژاردنداین و باوەڕناكەم هەڵبژاردنی ئەنجومەنی پارێزگای كەركوك دوابخرێت".

PUKMEDIA