دژەتیرۆر و دژەتیرۆری عیراق دەستگیرکردنی داواکراوێک رادەگەیەنن

PUKMEDIA

لۆگۆی دژەتیرۆر و دژەتیرۆری عیراق

هێزەکانی سەر بە بەڕێوەبەرایەتی گشتیی دژەتیرۆر-CTG لە ئۆپەراسیۆنێکدا بە هاوبەشی لەگەڵ دەزگای دژەتیرۆری عیراق-ICTS، تۆمەتبارێکیان لە سنووری پارێزگای سلێمانی دەستگیرکرد.

هێزەکانی سەر بە بەڕێوەبەرایەتی گشتیی دژەتیرۆر-CTG لە ئۆپەراسیۆنێکدا بە هاوبەشی لەگەڵ دەزگای دژەتیرۆری عێراق-ICTS، پاڵپشت بە زانیارییە هەواڵگرییەکان، توانیان تۆمەتبارێک بەناوی (س،ج،هـ) لە سنووری پارێزگای سلێمانی دەستگیربکەن.

تۆمەتبارەکە بە ماددەی 4ی تیرۆر لەلایەن دەسەڵاتی دادوەریی عیراقەوە داواکرابوو، دوای دەستگیرکردنی، رادەستی لایەنی یاسایی کرا بەمەبەستی سزادانی.
PUKMEDIA