riklam

ڕۆمانێكی دیكەی بەختیار عەلی دەكرێت بە فارسی

کتێب 12:16 PM - 2021-11-30

ڕۆمانی شاری مۆسیقارە سپییەكانی بەختیار عەلی لەلایەن دەزگای چاپ و پەخشی سالس لە تاران چاپ و بڵاوكرایەوە و بەمشێوەیە تا ئێستا شەش ڕۆمانی ئەو نووسەر كراوەتە فارسی و ڕۆمانی حەوتەمیش بڕیارە بە زمانی فارسی بڵاو بكرێتەوە. 

لەوبارەیەوە نووسەر و وەرگێڕ مەریوان هەڵەبجەیی لە لێدوانێكی تایبەتدا بە PUKmedia ی ڕایگەیاند: ساڵی 2004 پێش ئەوەی ڕۆمانی شاری مۆسیقارە سپییەكانی بەختیار عەلی نووسەر و ڕۆماننووسی كورد بە زمانی كوردی بڵاو بكرێتەوە، وەك یەكەم كەس خوێندمەوە و بڕیارمدا بیكەم بە فارسی، بۆیە دەستمپێكرد و نووسەر خۆیشی دەقە كورد و فارسییەكەی بەروارد كرد و ڕەزامەندی نیشاندا بۆ بڵاوكردنەوە و پاش 16 ساڵ لەئێران مۆڵەتی پێدرا چاپ بكرێت، پێشتر لە ئێران ڕێگەی پێنەدەدرا چاپ و بڵاوبێتەوە و ئەمساڵ بۆ یەكەمجار چاپ و بڵاوكرایەوە. 

مەریوان هەڵەبجەیی وتیشی: ئەو ڕۆمانە لەلایەن دەزگای چاپ و پەخشی سالس لە تاران لە تیراژی 770 دانە چاپ و بڵاوكراوەتەوە و لەسێهەمین خوڵی پێشانگای نێودەوڵەتی سلێمانی كەوتەبەر دیدی خوێنەران.

مەریوان هەڵەبجەیی ئاماژەی بەوەشكرد كە تا ئێستا شەش ڕۆمانی بەختیار عەلی كردووە بە فارسی و حەوتەمین ڕۆمانی ئەو نووسەرەش بەم منزیكانە بە زمانی فارسی بڵاو دەكرێتەوە و چەند قەسیدە شیعری بەختیار عەلی لەلایەن ئەو وەرگێڕەوە كراونەتە فارسی. 

PUKmedia  

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket