ڕفعەت عەبدوڵا: گرنگە گیانی برایەتی و پێکەوە ژیان قوڵبکەینەوە

PUKMEDIA

جێگری سەرۆکی یەکێتی و سکرتێرى گشتی (حزبی دیموکراتى بێت نەهرێن)

جێگری سەرۆکی یەکێتی لە کۆبونەوەیەکی لەگەڵ سکرتێرى گشتی (حزبی دیموکراتى بێت نەهرێن)، قوڵکردنەوەى گیانى برایەتى و پێکەوەژیانى نەتەوەو پێکهاتەکانى کوردستانی بە گرنگ وەسفکرد.

ڕفعەت عەبدوڵا، جێگری سەرۆکی یەکێتیی نیشتمانیی کوردستان پێشوازی کرد لەڕۆمیۆ هەكاری سکرتێرى گشتی (حزبی دیموکراتى بێت نەهرێن) و دۆخی سیاسی كوردستان و پتەوكردنی پەیوەندی نێوان هەردوولایان تاوتوێ کرد. 

لەدیدارەکەدا جەخت لەسەر یەکگوتاری و یەكڕیزی تەواوی پێکهاتەو لایەنە سیاسییەكانی كوردستان کرایەوەو هاوکات قوڵکردنەوەى گیانى برایەتى و پێکەوەژیانى نەتەوەو پێکهاتەکانى کوردستانیان بەپێویست و گرنگ وەسفکرد.

PUKMEDIA