جێگری سەرۆکی هەرێم پێشوازیی لە راوێژکاری سەربازیی بەریتانیا دەکات

نوسینگەی رۆژنامەوانی شێخ جەعفەر شێخ مستەفا

کۆبوونەوەی شێخ جەعفەر شێخ مستەفا و کۆڵۆنێڵ کریس هێڵیر

ئەمڕۆ دووشەممە 8ی6ی2026 شێخ جەعفەر شێخ مستەفا جێگری سەرۆکی هەرێمی کوردستان، بەبۆنەی کۆتاییهاتنی ئەرکەکەی وەک راوێژکاری سەربازیی بەریتانیا لە هاوپەیمانیی نێودەوڵەتیی دژ بە داعش، پێشوازییکرد لە کۆڵۆنێڵ کریس هێڵیر.

لە دیدارەکەدا، جێگری سەرۆکی هەرێم بە سوپاس و پێزانینەوە، کارەکانی کۆڵۆنێڵ کریس هێڵیری لە ماوەی ئەرکەکەیدا، وەک راوێژکاری سەربازیی بەریتانیا لە هاوپەیمانیی نێودەوڵەتیی دژ بە داعش بەرز ‏نرخاند، هەروەها ئەو هاوکارییە سەربازییانەی کە وڵاتەکەی پێشکەش بە هێزی پێشمەرگە و هەرێمی کوردستانی کردووە، بە گرنگ و کاریگەر لە قەڵەم دا، بە تایبەتی لە جەنگی رووبەڕوبوونەوەی داعشدا.

لای خۆیەوە کۆڵۆنێڵ کریس هێڵیر، سوپاسی پاڵپشتی و هەماهەنگیی دەزگا پەیوەندیدارەكانی هەرێمی كوردستانی لە سەرخستنی کارەکانیدا کرد و جەختی لە گرنگیی بەردەواميی پەیوەندی و هەماهەنگییە سەربازی و مرۆییەکانی وڵاتەکەی لەگەڵ هەرێمی کوردستاندا، کردەوە.

PUKMEDIA