riklam

كۆمپانیای ئه‌پڵ ئایفۆن 13ی خسته‌ بازاڕه‌وه‌

تەکنەلۆجیا 02:54 PM - 2021-09-16

دوای چاوه‌ڕوانییه‌كی زۆر كۆمپانیای ئه‌پڵ مۆبایلی ئایفۆن 13ی به‌چه‌ندین تایمه‌تمه‌ندی نوێوه‌ ئاشكراكرد.

به‌رهه‌مه‌ نوێیه‌كه‌ی كۆمپانیای ئه‌پڵ، بیرگه‌ی یه‌ك تێرابایتی بۆ زیادكراوه‌، له‌گه‌ڵ درێژكردنه‌وه‌ی ته‌مه‌نی پاتریه‌كه‌ی كه‌ توانای كاركردنی سه‌عات و نیوێك زیاتری هه‌یه‌، هه‌روه‌ها كوالێتیی شاشه‌ و كامێراكه‌شی به‌راورد به‌ ئایفۆن 12 به‌رزكردۆته‌وه‌، هاوكات ئایفۆن 13 ئه‌ستوورتره‌و له‌ رووی كێشه‌وه‌ قورستره‌.

ئایفۆن 13ی نوێ‌ پڕۆسێسه‌ری ئه‌ی 15ی له‌سه‌ر جێگیركراوه‌، له‌گه‌ڵ هه‌سته‌وه‌ره‌ی گۆشه‌ فراوان و هه‌روه‌ها به‌رگری به‌رانبه‌ر ئاو هه‌یه‌.

ئایفۆن 13 كه‌ به‌ پێنج ره‌نگ و چوار جۆری جیاواز به‌رده‌ست ده‌بێت، به‌وته‌ی لێپرسراوانی ئه‌پڵ زۆربه‌ی كێشه‌كانی مۆبایله‌كانی پێشووی تێدا چاره‌سه‌ركراوه‌.

سه‌باره‌ت به‌نرخه‌كه‌شی ئه‌وه‌خراوه‌ته‌ڕوو، كه‌ به‌پێی جۆره‌كانی ئایفۆن 13 ده‌گۆڕێت و له‌ 729 دۆلاره‌وه‌ بۆ هه‌زار و 100 دۆلار ده‌ستپێده‌كات.

كۆمپانیای ئه‌پڵ دوای خستنه‌ڕووی چه‌ندین به‌رهه‌می نوێی كۆمپانیاكه‌یان رایگه‌یاند: 24ی ئه‌م مانگه‌ به‌رهه‌مه‌ نوێیه‌كانیان ده‌گاته‌ ده‌ستی به‌كارهێنه‌ران. 

PUKmedia ئاژانسه‌كان 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket