Hemû bendavên Herêma Kurdistanê nêzîkî serrêj bûne

PUKMEDIA

Dukan

Ev çend rojin pêleke xurt a baranê Herêma Kurdistanê daye ber xwe û asta baranê li hin deveran sê qatî sala borî ye, bi vê sedemê jî metirsiya hişkesaliyê li hemû navçeyan bi dawî bûye û hemû bendav nêzîke di sera birijin.

Koçer Cemal, Rêveberê Bendava Dukanê ragihand: Piştî hatina vê pêla baranê ya çend rojên borî ku ji 15ê vê mehê ve dest pê kiriye, asta ava bendavê zêdetirî pênc metreyan zêde bûye. Tevahiya asta avê ji destpêka werza payîzê ve heta niha zêdetirî 21 metreyan bilind bûye û niha 12 metre û nîv mane ku bendav serrijî bibe. Tê çaverêkirin ku di meha nîsanê de asta avê hîn zêdetir bibe û heger çend pêlên din ên barana baş hebin, bendav dê serrijî bibe.

Her wiha ragihand: Niha zêdetirî 3.7 mîlyar metre sêca av di bendava Dukanê de heye û bi berdewamî asta avê zêde dibe.

Got jî: Bi sedema barana çend rojên borî, asta avê rojane di navbera 40 heta 50 santîmetreyan de zêde dibe.

Li gorî amaran jî, heta niha 20 bendavên piçûk û navîn li Herêma Kurdistanê bi tevahî serrijî bûne. Di bendava Derbendîxanê de 2.3 mîlyar metre sêca av heye û li gorî planeke zanistî tê dagirtin. Bendava Duhokê jî 47 mîlyon metre sêca av tê de heye û nêzîkî serrijandinê ye.


PUKMEDIA