Wezareta Rewşenbîrî: Bila medya bi berpirsiyar bin û ewlehiya neteweyî biparêze

PUKMEDIA

Wezareta Rawşenbîrî û lawan

Rêveberiya Giştî ya Ragihandin û Çap û Belavkirinê ya Wezareta Rewşenbîrî daxwazê ji kenalên ragihandinê dike ku bi awayekî berpirsiyarî bûyeran bişopînin, bi vî awayî ku parastina ewlehiya neteweyî û mal û canê hevwelatiyan pêşeng be. Her wiha dibêje: Wezareta me dê li dijî kesên ku qanûn û rênimayan binpê dikin, tedbîrên qanûnî yên tund bigire ber xwe.

Di daxuyaniyeke Rêveberiya Giştî ya Ragihandin û Çap û Belavkirinê ya Wezareta Rewşenbîrî de, ku îmzeya Şîrwan Ewla Mîrza Rêveberê Giştî li ser e û kopiyek jê ji bo PUKMEDIA hatî şandin, hatiye diyarkirin: Mixabin herêma me di rewşeke dijwar û aloz re derbas dibe. Her çend e Herêma Kurdistanê ne parçeyek ji wî şerî ye û di paşerojê de jî nabe parçeyek jê û dê bi temamî serxwebûn û bêalîbûna xwe biparêze, lê dîsa jî navçe di rewşeke neasayî de ye û pirişka şer li me jî ketiye.

Ragihand jî: Ji ber vê yekê em tekeziyê li ser naveroka nivîsa xwe ya bi jimare 235 di 2ê Adara 2026an de dikin, ku divê kanalên ragihandinê bi awayekî berpirsyarane rûmala bûyeran bikin; bi vî rengî ku parastina ewlehiya neteweyî û can û malê hemwelatiyan pêşengiya yekem a kanalan be. Her wiha di dema rûmala zindî ya bûyeran de, nebin sedema fikar û dilgiraniyê ji bo hemwelatiyan û dûr bikevin ji weşandina zindî an nîşandana dîmenên arastekirina dron û mûşekan û cihên ziyanlêketî.
Di vê demê de, her reftareke wiha ji hêla her dezgeh an toreke medyayî ve bête kirin, dûrî yasa û lojîkê ye û li dijî xala sêyem/birgeha sêyem e ji (Rênimaya rêkxistina fîrîkwênsî speys li Herêma Kurdistanê).
Di dawiya ragihandina Rêveberiya Giştî ya Ragihandin û Çap û Belavkirinê ya Wezareta Rewşenbîrî de hatibû: Erka wezareta me ye ku rêkarên yasayî yên tund li beramberî binpêkerên yasa û rênumayan bigire ber.


PUKMEDIA