Diron û muşek medyayên Herêmê germ kirin

Kurdistan 01:32 PM - 2026-03-08

Êrîşê

Şevê borî 15 êrişên bi drone li ser bajarên Hewlêr û Silêmaniyê hatin kirin. Di encama êrişan de du kesan jiyana xwe ji dest dan ku yek ji wan pêşmerge bû û yê din jî karmendê asayîşa Balafirgeha Navneteweyî ya Hewlêrê bû. Fermangeha Medya û Zanyarî û Sendîkaya Rojnamevanan daxwazê ji kenalên ragihandinê dikin ku bi awayekî pîşeyî û berpirsyarane ligel vê rewşê tevbigerin.

Êrişên şevê borî yên li Silêmaniyê bi şeş dronan li ser baregeha Hêzên 70, nêzîkî baregeha Neteweyên Yekbûyî û Konsulxaneya Tirkiyeyê hatin kirin. Hejmareke zêde ya dronan hatin xistin û ziyanên canî lê neketin. Herwiha şevê borî bi moşekan êrişî ser Zirgiwêz li sînorê Silêmaniyê hat kirin, di encamê de pêşmergeyek şehîd bû û pêşmergeyekî din jî birîndar bû.
Hevdem roja 7ê Adara 2025an, gelek dron li Hewlêrê ketin ku piraniya wan ji aliyê pergala parastina esmanî ve hatin têkbirin. Lêbelê yek ji êrişan bû sedema jiyan jidestdana karmendekî asayîşa Balafirgeha Navneteweyî ya Hewlêrê û birîndarbûna sê karmendên din.

Dezgehên Asayîşê: Çend êrîşên bi dironan hatin ser Silêmanî

Derbarê êrîşên dironî li ser Silêmaniyê, Dezgeha Asayîşa Herêmê yekser daxuyaniyek belav kir û ragihand: Du caran li pey hev bi çar dronan baregeha Hêzên 70 û her wiha bi du dronan nêzîkî her du baregehên UN û nûneratiya Konsulxaneya Tirkiyeyê li bajarê Silêmaniyê hatin armancgirtin.
Her wiha ragihand: Yekser tîmên Dezgeha Asayîşa Herêmê gihîştin cihê her du bûyeran û lêkolînan dest pê kir. Di encamê de derket ku bi şevê bi çar dronan baregeha Hêzên 70 û bi du dronan jî nêzîkî baregeha UN û nûneratiya Konsulxaneya Tirkiyeyê li bajarê Silêmaniyê hatine armancgirtin. Di êrişan de tu ziyanên canî nînin û lêkolîn li ser bûyerê berdewam e.

Şaxa Silêmaniyê ya Sendîkaya Rojnamevanan: Divê kenal hûrbîn û berpirsiyar bin

Di vê çarçoveyê de, şaxa Silêmaniyê ya Sendîkaya Rojnamevanên Kurdistanê rênimayiyeke lezgîn ji bo medyayên Silêmaniyê derxist û ragihand: Bi destpêkirina pêla mûşekbaran, cenga sîberî û şerê dironan yê her du aliyên şer, erka medya û berpirsiyariya rojnamevanan zêdetir dibe. Lewma em daxwazê ji kenalên xwe yên di sînorê parêzgeha Silêmaniyê û derdora wê dikin ku hûrbînî, berpirsiyarî û hişyariyeke zêdetir peyrew bikin berî belavkirina her nûçeya lezgîn û raporên ku zanyariyên cografî û hûrgiliyên şer tê de bin. Ji ber ku hinek babetên medyayî dibin rêber (çavsax) ji bo aliyên êrîşkar, hinekên din jî dibin sedema hilweşandina moralê kolanê û welatiyan. Parastina ruhê tebayî û moralê cemawerê Kurdistanê, dê ji erkên me yên sereke bi di vê qonaxê de.

Her wiha ragihandiye: Em daxwaz dikin ku guh bidin rênimayî û daxwazên me bila Kurdistana me parastî be û silametiya tîmên me yên medyayi di pêşîniya karê me de be.

PUKMEDIA