Serok Bafil: Divê li dijî Kurdên Rojava tundûtûjiya bê ragirtin û hemû vegerin gotûbêjan

Nivîsgeha Ragihandina Serok Bafil Celal Talebanî

Serokê Yekîtiya Niştimaniya Kurdistanê (YNK) Bafil Celal Talebanî û Sekreterê Giştî yê Tevgera Babilyon Reyan Kaldanî

Birêz Bafil Celal Talebanî Serokê Yekîtiya Niştimanî ya Kurdistanê li Bexdayê li mala Serok Mam Celal pêşwazî li birêz Reyan El-Keldanî Sekreterê Giştî yê Tevgera Babilyon kir.

Di civînekê de ku Cîgirê Serokê Yekîtiya Niştimanperweran Rifet Ebdullh, Endamên Mekteba Siyasî Derbaz Kosret Resûl, Ehmed Heme Kerîm û Rizgar Hac Heme û Wezîrê Dadê yê Îraqê Xalid Şuwanî jî amade bûn bûn, rewşa siyasî ya herêmê hate gotûbêj kirin.

Her wiha li ser aloziyên li Sûriye û Rojavayê Kurdistanê jî gotûbêj hat kirin û Serok Bafil Celal Talebanî got: Divê mafên hemû netewe û pêkhateyên li Sûriyê bên rêzgirtin, tundûtûjiya li dijî Kurdan li Rojavayê Kurdistanê bên rawestandin û divê hemû alî vegerin diyalogê.

Derbarê pêkanîna hikûmeta nû ya Îraqê de, tekezî li ser pabendbûna bi demên yasayî û prensîbên destûrî yên di vî warî de hat kirin.

PUKMEDIA