Nûnerê Almanî û Mezlûm Ebdî rewşa Helebê gotûbêj kirin

Malpera Avanse

Alayên Almanî li bayê li avahiya Reichstagê li Berlînê dihejînin.

Nûnerê Taybet ê Wezareta Derve ya Almanya bo Rojhilata Nêzîk û Navîn di pêwendiyeke telefonî de bi Fermandarê Giştî yê Hêzên Sûriya Demokratîk (HSD) Mezlûm Ebdî re nîgeraniya xwe li ser rewşa li Helebê anî ziman û piştrast kir ku Almanya ji bo rawestandina şer û ji nû ve destpêkirina danûstandinan bi hemû aliyên peywendîdar re peywendiyên xwe didomîne.

Ebdî ji Nûnerê Taybet yê Wezareta Derve ya Almanya bo Rojhilata Nêzîk û Navîn telefonî Tobias Tunkel wergirt û di wê peywendiyê de nîgeraniya Almanya li ser zêdebûna tundûtûjiya li bajarê Helebê anî ziman.

Tunkel di posteke xwe ya li ser platforma "X" de diyar kir ku di pêwendiya telefonî de pêşketinên dawî yên meydanî hatine gotûbêj kirin û pêwîstiya cî bi cî kirina Peymana 10ê Adarê wekî pêngaveke sereke ber bi kêmkirina aloziyan û afirandina mercên guncaw ji bo çareseriyeke siyasî hatiye destnîşankirin.

Nûnerê Alman piştrast kir ku welatê wî bi armanca rawestandina şer, ji nû ve destpêkirina danûstandinan û misogerkirina parastina sivîlan di rewşa xirab a mirovî ya li herêmê de bi hemû aliyên peywendîdar re peywendiyên xwe didomîne.

PUKMEDIA