Kurdistanî li dijî êrîşên ser taxên Kurdnişîn xwepêşandanan dikin

PUKMEDIA

Welatiyên Germiyanê piştgiriyê didin Kurdên Rojava

Welatiyên Hikûmeta Herêma Kurdistanê ji bo piştgiriya taxên Kurdnişîn yên Helebê xwepêşandan li dar xistin û beriya niha Xwepêşandan li Germiyan, Silêmanî û Dihokê jî hatin lidarxistin.

Her weha dibêjin:Em, wekî xizmên qurbaniyên Enfalê, êşa jenosîda li dijî gelê xwe hîs dikin ji ber ku me berê jî ew jiyaye.

Di heman demê de, welatiyên li bajarê Hewlêrê bi dirûşmeya "Bijî berxwedana Rojava" piştgiriya xwe ji bo aikinciyên du taxan (Şêx Meqsûd û Eşrefiye) dubare kirin, her wiha wan êrîşên çekdarên hikûmeta Şamê li ser saziyan û armancgirtina sivîlan şermezar kirin.

Her weha biryar e îro demjimêr 13:30an li Kolana Salim ya Silêmaniyê xwepêşandanek ji bo piştgiriya Kurdên Heleb û Rojavayê Kurdistanê were lidarxistin.

Di heman demê de, rêxistinên civaka sivîl dê îro li Duhok û Qeladizê xwepêşandan û mîtîngan li dar bixin û daxwaz ji welatiyan dikin ku beşdarî xwepêşandanan bibin.

Ev yek jî di demekê de ye ku, ji ber êrîşa çekdarên Sûriyê ya li ser taxên Kurdan ên li Helebê, di encamê de bi sed hezaran kes ji cih û warên xwe bûne û hejmarek kes bûne qurbanî û rewşa wan taxan ketiye metirsiyê.

PUKMEDIA