Wezîra Alman: Êrîşên ser Şêx Meqsûd û Eşrefiyê şermezar kir

AJANS

Wezîreya Hevkariya Aborî û Geşepêdanê ya Federal ya Alman

Wezîreya Hevkariya Aborî û Geşepêdanê ya Federal ya Alman êrîşên li ser taxên Şêx Meqsûd û Eşrefiyê yên li Helebê şermezar kir û bang li hikûmeta demkî ya Sûriyê kir ku tavilê tundûtûjiyê rawestîne û tekez kir ku aramiya li Sûriyê tenê bi dawîkirina tundûtûjiyê û bi riya diyalogê bigihêje çareseriyên siyasî dikare pêk were.

Rîm El-Ebli Radovan di postekê de li ser hesabê xwe yê fermî yê Facebookê got:Ew bi gotinên herî tund êrîşên li ser taxên Kurdan li Helebê, û her weha êrîşên li ser hemî pêkhateyên etnîkî û olî yên din şermezar dike", û tekez kir ku parastina sivîlan û koman ne mijara sazişê ye.

Wezîrê Alman tekez kir ku hikûmeta demkî ya li Sûriyê berpirsiyar e ku vê tundûtûjiyê tavilê bi dawî bike û mafên hemû pêkhateyên nifûsê garantî bike, û destnîşan kir ku her aramiyeke mayînde li Sûriyê tenê bi rawestandina tundûtûjiyê, parastina pêkhateyan û gihîştina çareseriyên siyasî bi riya diyalogê dikare pêk were.

Wezîrê Alman got: Sûriye dê çi pêşerojek nebe heya ku "hemû pêkhateyên etnîkî û olî nikaribin bi azadî û ewlehî bijîn û ji mafê xwerêvebirinê sûd wernegirin, bêyî zilm, cudakarî an tundûtûjiyê.

PUKMEDIA