دواهه‌مین ئاماری كوژراو برینداره‌كانی داعش له‌ باشوری كه‌ركوك

.

به‌پێی تازه‌ترین زانیاری له‌سه‌ر په‌لاماره‌كه‌ی شه‌وی رابردووی تیرۆرستانی داعش بۆ سه‌ر گوندكانی باشوری كه‌ركوك و تێكشكاندنیان له‌لایه‌ن هێزه‌كانی پێشمه‌رگه‌ و دژه‌ تیرۆرو گه‌ریلا زیاتر له‌ 100 تیرۆرست كوژراون . 

سه‌رچاوه‌یه‌ك له‌ناو شاری حه‌ویجه‌وه‌ به‌ PUKmedia ی راگه‌یاند: داعش تووشی شپرزه‌یی و شكستێكی گه‌وره‌ هاتووه‌و  زیاتر له‌ 100 تیرۆرست كوژراون و 45 ی تریش برینداربوون. 

سه‌رچاوه‌كه‌ وتیشی: 21 تیرۆرستی تریش بێسه‌روشوێن بوون و پێده‌شێت به‌شێكیان له‌لایه‌ن هێزه‌كانی پێشمه‌رگه‌وه‌ به‌دیلگیرابن.

رونیشكردوه‌ته‌وه‌: داعش به‌پیلان ئه‌و كاره‌یكردوه‌و  له‌دوای شكستیان له‌ له‌زنجیره‌ چیای حه‌مرین له‌ كێڵگه‌ نه‌وتیه‌كانی عه‌لاسی  رۆژهه‌ڵاتی تكریت ته‌واوی تیرۆرسته‌كانی ره‌وانه‌ی شه‌ڕكردووه‌ له‌باشوری كه‌ركوك. 

سه‌رچاوه‌كه‌ باسیله‌وه‌شكرد: له‌لایه‌ن فڕۆكه‌ جه‌نگیه‌كان و تۆپخانه‌كانی پێشمه‌رگه‌ ناوه‌ندی سه‌ركردایه‌تی داعش له‌ گوندی حومێره‌ به‌ته‌واوی وێرانكراوه‌. 

PUKmedia    سامان یاروه‌یس