خانەقین .. لەماوەی دوو رۆژدا 4 هاووڵاتی شەهیدبوون

.

لەماوەی دوو رۆژی رابردوودا لەسنوری قەزای خانەقین، چوار هاووڵاتی كورد شەهیدبوون، هاوكات دوو چەكداری هێزەكانی حەشدی شەعبیش كوژراون.

ئەحمەد عەباس چالاكوان لەسنوری پارێزگای دیالە بە PUKmedia ی راگەیاند: چەكدارانی نەناسراون كە هێزە ئەمنیەكان بەداعشیان داناون، لەسنوری گوندەكانی مێخاس و تەفرەقەی سنوری خانەقین لەدوو رۆژی رابردوودا چوار هاووڵاتیان شەهیدكردوە.

وتیشی: پاشان بەهۆی تەقینەوەی بۆمبێك بەهێزەكانی حەشدی شەعبی لەسنوری گوندی  تەفرەقە دوو چەكداری ئەو هێزانەش كوژراون.

لای خۆشیەوە شێركۆ میروەیس، ئەندامی ئەنجومەنی نوێنەرانی عیراق رایگەیاندوە: هەرچەند پێشتریش چەندین جار جەختمان لێكردوەتەوە، بەڵام بەزووترین سەردانی لایەنە بەرپرسیارە ئەمنی و حكومیەكان دەكەین، كە چیتر ئەم كردەوانەو ئەو بۆشاییە ئەمنیانە جێگەی قبوڵ نین، و كەمتەرخەمیەكان ژیانی گوندنشینانی خستووەتە مەترسیەوە.

ئەوەشی وتووە: كە پێویستە رێگە چارەی گونجاو بدۆزرێـتەوە، كە ئەویش هەماهەنگی و كاری پێكەوەییە لەگەڵ هێزەكانی پێشمەرگەی دەوێت، بۆ رێگەگرتن لەتەشەنەكردنی كردەوەی لەم جۆرەو بنەبڕكردنی تیرۆرستان.

PUKmedia سامان یاروەیس