وه‌زاره‌تی كاره‌با دڵنیایی ده‌داته‌ هاووڵاتییان

.

زیاتر له‌ ( 7000 ) فه‌رمانبه‌ری كاره‌با له‌ خزمه‌تی هاوڵاتیاندان
زیاتر له‌ ( 7000 ) فه‌رمانبه‌ری كاره‌با به‌شێوه‌ی نۆره‌ و ئیشكگری 24 سه‌عات له‌ ( 229 ) وێستگه‌ و ( 155) فه‌رمانگه‌ی چاككردنه‌وه‌ی كاره‌با له‌ خزمه‌تی هاووڵاتیاندان.
دوای راگه‌یاندنی پشووه‌كان و قه‌ده‌غه‌كردنی هاتوچۆ زیاتر له‌ ( 7000) فه‌رمانبه‌رانی كاره‌با به‌شێوه‌ی نۆره‌ و 24 سه‌عاتی به‌رده‌وام كاری ئیشكگری ئه‌نجام ده‌ده‌ن، بۆ ئیشپێكردنی( 229 ) وێستگه‌و (158) فه‌رمانگه‌ی چاككردنه‌وه‌ی كاره‌با له‌هه‌رسێ پارێزگای هه‌ولێر و سلێمانی و دهۆك و ئیداره‌ی گه‌رمیان، له‌ سێكته‌رو به‌شه‌كانی (به‌رهه‌مهێنان و وێستگه‌كان و كۆنترۆڵی هه‌رێم و كۆنترۆڵی پارێزگاكان و سه‌نته‌ره‌كانی هاوكاریی و چاككردنه‌وه‌( سیانه‌ ) و هێڵه‌كان و پاسه‌وانان و پۆلیسی كاره‌با و راگه‌یاندنه‌كان و هۆبه‌كانی رووناكی و وه‌رشه‌ی موحاویله‌ و هه‌ردوو وێستگه‌ی كه‌هرۆئاوی دوكان و ده‌ربه‌ندیخان) به‌مشێوه‌یه‌ی خواره‌وه‌:

• له‌سنووری به‌ڕێوه‌به‌رایه‌تی گشتی كاره‌بای پارێزگای هه‌ولێر زیاتر له‌(2600 ) كارمه‌ندی كاره‌با به‌شێوه‌ی نۆره‌ كاری ئێشكگری ئه‌نجام ده‌ده‌ن له‌ ئیشپێكردنی( 91 ) وێستگه‌ و (53) فه‌رمانگه‌ی چاككردنه‌وه‌ی كاره‌با و كۆنتڕۆلی كاره‌با.
• له‌به‌ڕێوه‌به‌رایه‌تی گشتی كاره‌بای پارێزگای سلێمانی كه‌ سنووری پارێزگای هه‌ڵه‌بجه‌ش له‌خۆده‌گرێت زیاتر له‌ (2500) فه‌رمانبه‌ر به‌شێوه‌ی ئیشكگر ده‌وام ده‌كه‌ن بۆ ئیشپێكردنی ( 63 ) وێستگه‌ی دابه‌شكردنی كاره‌با و ( 48) فه‌رمانگه‌ی چاككردنه‌وه‌ی كاره‌با، هه‌روه‌ها له‌ وێستگه‌ی كه‌هرۆئاوی دوكان (63) فه‌رمانبه‌ر و له‌ وێستگه‌ی كه‌هرۆ ئاوی ده‌ربه‌ندیخانیش (65) فه‌رمانبه‌ر ده‌وام ده‌كه‌ن.
• له‌پارێزگای دهۆك ( 1560 ) فه‌رمانبه‌ر به‌شێوه‌ی نۆره‌ كاری ئیشكگری ئه‌نجام ده‌ده‌ن له‌ ئیشپێكردنی ( 63 ) وێستگه‌ی دابه‌شكردنی كاره‌با و ( 45 ) فه‌رمانگه‌ی چاككردنه‌وه‌ی كاره‌با و كۆنترۆڵی كاره‌با.
• له‌سنووری به‌ڕێوه‌به‌رایه‌تی گشتی كاره‌بای گه‌رمیان زیاتر له‌ (400) فه‌رمانبه‌ر به‌شێوه‌ی ئیشكگری به‌نۆره‌ له‌ ( 12 ) وێستگه‌ی دابه‌شكردن و( 12 ) بنكه‌ی چاككردنه‌وه‌و كۆنترۆڵ به‌رده‌وامن له‌خزمه‌تی هاوڵاتیاندان.

PUKmedia راگه‌یاندنی وه‌زاره‌تی كاره‌با