نەوشیروان مستەفا دەست لەكاركێشانەوەی سەڵاح رەشید قبوڵ دەكات

دوێنێ سەڵاح رەشید دەستی لەكاركێشایەوە

دوای ئەوەی دوێنێ 2013/5/18، سەڵاح رەشید رێكخەری ژوری پەیجوری بزوتنەوەی گۆڕان، دەستی لە پۆستەكەی كێشایەوە، ئەمڕۆ نەوشیروان مستەفا رێكخەری گشتی بزوتنەوەی گۆڕان ئەو داوایەی پەسەندكرد.

لە وەڵامێكدا بۆ دەستلەكاركێشانەوەكەی سەڵاح رەشید، كە سایتی سبەی بڵاوی كردووەتەوە،نەوشیروان مستەفا،  دەڵێت: ئەمڕۆ نامەكەتم پێ گەیشت، كە تایبەت بوو بە دەسلەكاركێشانەوەتان لە رێكخەری ژوری پەیجوری، بە سوپاسەوە سەرنج‌و تێبینیەكانم وەرگرت.

نەوشیروان مستەفا، دەشڵێت: راشیگەیاند: بە پێویستی ئەزانم سوپاسی هەوڵ‌و هیمەتان بكەم، لە بواری میدیایی‌و رێكخراوەیدا.

PUKmedia تایبەت