لە شارباژێڕ دەیان مین و پاشماوەی جەنگی لەناوبران

راگەیاندنی بەڕێوەبەرایەتی گشتی کاروباری مین

مین

تیمی تەقاندنەوەی بەڕێوەبەرایەتی گشتی کاروباری مینی سلێمانی، سەرلەبەیانی ئەمڕۆ لە کێڵگەمینی "بیوشک  D "  ى شارباژێڕ لە پرۆسەیەکی تەقاندنەوەی ناکارەباییدا دەیان مین و پاشماوەی جەنگییان لەناوبرد کە بەشێکیان پێشتر لە چالاکی جیاوازدا کۆکرابوونەوە.

راگەیاندنی بەڕێوەبەرایەتی گشتی کاروباری مینی سلێمانی رایگەیاند: لە چوارچێوەی کار و چالاکییەکانی بەڕێوەبەرایەتی گشتی کاروباری مینی سلێمانی-دا و لەسەر داواکاری تیمی سێی مینلابەری دەستیی لە کێڵگەمینی "بیوشک "D لە گوندی شێخەڵمارێن لە شارەدێی زەلان، سەرلەبەیانی ئەمڕۆ پێنجشەمە 23ى7ى2026، تیمی تەقاندنەوەی بەڕێوەبەرایەتی گشتی کاروباری مینی سلێمانی، بە ئامادەبوونی دڵنیایی جۆریی دەرەکیی، هەستان بە لەناوبردنی چەندین مین و پاشماوەی جەنگیی، بە رێگەی تەقاندنەوەیەکی ناکارەبایی، لە هەمانکاتدا ئەو مین و پاشماوە جەنگییانەش لەناوبران کە پێشتر و لە چالاکی جیاجیادا چارەسەر کرابوون و گواسترابوونەوە بۆ شوێنی پارێزراو.

ئاماژەى بە ئەوەشدا: مین و پاشماوە جەنگییەکان بریتی بوون لە، سی مین لە جۆری "V69"، شەش مین لە جۆری "VS50"، یەک گولە هاوەنی "٨٢ ملم"، یەک گولە هاوەنی "٦٠ ملم" و دوو نارنجۆکی دەستیی.

PUKMEDIA